فيـــــــــــــن !!!!!!!!!!!

                          فيــــــــــن!!!!!!!
فين كتفى اللى كان بيشيل حملى الثقيل ويعدينـــــــــــى
فين كفى  اللى كان بيمسح دمعتـــــــــى ويواسينـــــــــى
فين عينى اللى كانت بتشوف طريقى  وتهدينـــــــــــــى
فين قدمى اللى كانت بتقدمنى قدام وبسرعة تودينـــــــــى
فين قلبى اللى كانت دقاته قوية وقوتها تسندنى وتقوينــــى
فين شبابى اللى كان واقف بسلاحه يمنع شيبتى ويصبينـى
فين امى وبويا اللى كانا بالحب والحنان يسقــــــــــــــونى
فين الجمع اللى اتفرق وخدوه منى الغرب وسبونــــــــــى
فين بلدى اللى كانت فى امن وامان وبلحافها الدافى تغطينى
فين اللى قال لو لم اكن مصريا وزاد من حبى لها ونمــائـــى
فين ميثاقك يا ناصر كان شموخك ووقفتك وكلامك يشجينــــى
فين مصر اللى كانت فى السما العليا ومن فوق العلى تنادينــى
فين شموعهااللى ما انطفت يوم كانت تنورنى وتدفينــــــــــــى
فين اللى كان بيعزق الارض ومن خيرها وجهده يغذينــــــــى
فين ميتك يا نيل لوثوك وطعمها ليه بقى يغثينـــــــــــــــــــــــى
فين رجالك يامصر اللى كان حبهم ليكى يفرحنى ويرضينـــــى
فين الصبر اللى طال من غير أمل مش لاقيه ولا هوه لاقينـــــى
فين حاميك  اللى بقى حراميكى ولسه جواكى فى اغلى ارضيكى
فين راح ده كله يازمن كفاية بقى بالله عليك برحمة ربنا ارحمنى وادينى 
                       (نظم الفاروق)