الاثنين، 1 أغسطس، 2011

باب الشــــــــــــــعرية

باب الشعرية حييى وحياتى وجنانــــــــــى 
مين ليا بعده ينعش روحى ووجدانــــــــــى
جاورت ناسه بالحب وبالود حوطونـــــــــى
من كل صوب وحدب وكل جنب من مكانــــى
اتنقلت منه الى حى سموه حى المعـــــــــــادى
ابوابه كلها مسمكره على اهلها ولا من مبالــــى

اذا استغاث واحد لا يسمع احد مين ينـــــــــادى
الفرق شاسع ياخوانى بين كل حى وحــــــــــــى
ومش واخده على كده روحى وحياتــــــــــــــــى
ندمت على خيبة وسرعة نقلتــــــــــــــــــــــــــى
وايه يفيد الندم فى تصحيح غلطتـــــــــــــــــــــى
يقولواانى خنت عهدك ياحىّ وهِربْت بعزالــــــــــى
لا تسمع لهم حييى انا كنت فيك شئ تانــــــــــــــى
انا ابن بطنك وفى طينك اسمر وجدانـــــــــــــــــــى
حافظ دفاترك القديمة فى خزينة ذكرياتــــــــــــــــــى
وماسك فيها ومتبت عليها بسنانـــــــــــــــــــــــــــــى
ولما شفت معاملة مراة الاب فيكى يامعـــــــــ    ــادى
افتكرت وانا كنت فيك وامى معاك مدلعـــــــــانـــــــى
فين قهاويك وفين السمر اللى مش ممكن يعود تانــــــى
محلاتك عمار فيها الفول والفلافل كانــــت ملهلبانـــــــى
والكباب الملبس دخانه ياما شبعنى وغدانــــــــــــــــــى
شياخاتك ومساجدك كتيرة وياما مسجد العدوى حمانــــى
البنهاوى الشنبكى وشق التعبان مش قادر اقول تانــــــــى
ابوابك تطل على حى الوايلى وعابدين والموسكى آه يانى
الموسكى جنبك اشترى اللى عاوزه ومين غيره هلاقـــــــى 
مهما قلت ومهما عدت مش هيرجع الزمن تــــــــــــــــانى
الفاروق





ليست هناك تعليقات:

إرسال تعليق