الخميس، 15 مارس، 2012

ببلاغ عاجل الى وزير الصحة (قصة كوميدية lمن عين الخيال )

    تقدم كل من الصيدلى مصطفى سيف والصيدليتان  شيرين سامى ونور (حسب ترتيب حروف اسمائهما )  بطلب عاجل الى  وزير الصحة  لحظر استيراد الاقراص الخاصة بجميع اصناف اللحوم والالبان و الخضر والفواكه والحبوب وذلك اثر الهجوم المريب  على صيدلياتهم  ....تحطيما وتخريبا وقذفا بالحجارة من تجار  هذه الاصناف 
    والقصة تبدأ اثر اهتمام العالم بعدانتشار ظاهرة جنون البقر  وبعدها الحمى القلاعية ..... امراض اقضت مضاجع العالم  بشكل  وما كاد يخف هاجس المرض الاول قليلا حتى افاق العالم  على جائحة اخرى تصيب المواشى وتفتك بها وهذا المرض يصيب القدم والفم بفيروس شديد العدوى  
ونجح بعض الباحثين فى انتاج اقراص تحل محل كافة انواع الخضر والفواكه والحبوب  واللحوم ومنتجات الالبان  والذى ياتى المرض  ايضا عن طريقها   مع الاحتفاظ  بقيمتها الغذائية ونكهتها الطبيعية فى المعدة  وسرعة الهضم وعدم التسبب فى امراض المغص والاسهال والامساك والاضطرابات المعوية والتسمم وخلافه التى تسببها  الاغذية الطبيعية بجميع انواعها واصنافها  واشكالها واصبح دخول ربة الاسرة نادرا للمطبخ الا فى الامور النادرة لاعداد الشاى او القهوة وفى بعض الاحيان تتم فى خارجه 

وعلى اثر انتشار هذه الاقراص ورخص ثمنها انخفض مؤشر البيع لهذه المحلات  الى اقل من ربع حصيلة البيع وهذا امرا طبيعيا اذا نظرنا الى ثمن قرص اللحمه العائلى الذى  تقل قيمته عن اقل من ربع ثمن كيلو اللحم من الجزار اذ ان قرص واحد عائلى من اللحم  يكفى لعائلة من خمس افراد  ويمكن ان يقسم هذا القرص الى اقسام بعدد افراد الاسرة وقسْ على ذلك كافة انواع الخضر والفاكهةوغيرها ........ لذا هجم  بعض التجار علـــــــــــى  الصيدليات تخريبا وتحطيما نتيجة بيعهم لهذه الاقراص التى كانت سببا فى وقف حالهم وتدهور مبيعاتهم 
   وتعالوا بنا نرى مشهدا حواريا بين زوج وزوجته اثر انتشار
هذه الاقراص 
- الزوج : هناكل ايه انهارده يا تفيده ؟؟؟؟؟؟؟
- تفبدة: انا نفسى فى المحشى باللحمه المفرومة هتلْنا خمس اقراص واقراص خضرة خضرا بس الله يكرمك من الاجزخانه اللى فى اول السوق اقراصها كلها طازة مش بايته زى الاجزخانه اللى فى اول الحارة كل ما نجيب  منها اقراص نلاقيها منتهية الصلاحية وبحس بحموضتها فى جوفنا  
-حسنين : بقى يا وليه انت مش خايفه على وزنك يزيد انت فوق الميت   كيلو كنت واخدك غصن بان حشرتى جوفك بالاكل  انتم كده يا ستات قبل الجواز تهتموا بنفسكم وبعدين تفتحوا على الآخر 
-تفيدة : ياراجل بقوللك انا نفسى فى المحشى انت مبتحبنيش زى زمان وبعدين الاقراص ديا ما بتتخنشى هما عاملين حسابهم ضد اضرار الاغذية الطبيعية 
-حسنين : انت عارفه اننا  فى آخر الشهر واقراص اللحمه المفرومة غاليه ... بقوللك ايه .. نقضّيها  مسقعة النهاردة ونجيب مخلل طبيعى يفتح نفسنا من المخللاتى سمعه اللى فى اول عطفة باب الفتوح 
- تفيدة : ايه اللى غيرك ياراجل انت مكنتش كده كنت بتيجى وجيبك مليان اقراص اشى اقراص لحمه ضانى وايشى كندوز وايشى بتوللو وكنت بتجيب بالجمعه  واقراص الفاكهة اشكال والوان ايشى تفاح وايشى برقوق وايش منجه ايه  اللى غيرك 
حسنين : الحاجه غليت يا تفيده قرص اللحمه اللى كناّ بنْجيبه بعشرة جنيه  وكان يكفينا يومين وصل دلوقتى عشرين جنيه وحجمه صغر ولا يكفى تلت انفار  غير اقراص الفاكهة ومنتجات الالبان انت مش حاسة بالدنيا 
- تفيده : امال بقى لو كنا بنتعامل مع  الجزاراللى وصل كيلو اللحمه تمانين جنيه  والا الفاكهة والا الخضار كيلو الطماطم بيوصل خمس جنيهات وغيره وغيره احمد رينا ياراجل وانا هقوم اجيبك هدوم الخروج ( وتوجهت تفيده الى حجرة النوم لاحضار ملابس خروج زوجها واتناء جمعها لا حظت ظرف منتفخ وقع من الجاكت وجرّها حب الاستطلاع الى فض ما بداخله ولشد دهشتها ان وجدت كماّ عديدا  من الاقراص الخاصة باللحوم الضانى والعجالى والبنللو  فاسرعت خارج الحجرة الى زوجها وهى ممسكة للظرف ، وقد اصفر وجه زوجها  وقالت وهى  تشير الى الظرف قائلة 
-تفيدة : ايه الظرف ده ياحسنين والحاجات اللى فيه بتاعة مين يا حسنين ؟؟؟؟؟؟؟انا دلوقت عرفت ايه اللى غيرك من نحينى وتدهور حالتك المالية !!!!!!
- حسنبن : ( وهو متلعثم فى الرد ) انا عاوز اقول ان الظرف ده  .. الظرف ده اصل الظرف ده !!!!!!!
- تفيده : لا تقول ولا تعيد يا حسنين  و أتارى انا  بقول الراجل ايه اللى غيره كنر خروجه قلت مقدرته عن كله يا حسنبن  بيسهر بره كتير وكترت مأمورياته .. منك لله ياشيخ بتصرف على بيت تاتى ياحسنين والله ماانا قعدالك فى البيت 
0 وهنا قذفت الظرف من الشباك وخرجت من الباب 
الفاروق 

هناك 54 تعليقًا:

  1. هههههههه حسانين راح بلاش
    ضحكت والله فى اكثر من موقف مع حسانين ومراته
    رغم ان القصه خياليه لكن ممكن تتحقق فى يوم من الايام زى الحبوب اللى بتتصنع للاشخاص اللى بيطلعو الفضاء
    بس لو حصل ست البيت جترتاح بلا طبيخ بلا مصاريف بلا وجع دماغ بس تصدق بقى انك لفت نظرى لشىء ان الرجاله ممكن ساعتها يفكروا يتجوزوا تانى ويفتحوا بيتين علشان المصاريف قلت والمرتب بقى يكفى ههههه يعنى نحل مشكله الاكل والغلاء وندخل فى مشكله طلاق وخراب بيوت
    القصه رائعه والفكره جديده وتحفه ودمها خفيف والحوار فطسنى من الضحك
    دائما تمتعنا بحكايات تحمل فكره جديد وتشويق
    تحياتى لاروع قاص قراءت له ابى الحبيب

    ردحذف
    الردود
    1. احمد الله ياهبه اللى سرقت منك ضحكه قصاد مئات الضحكات اللى سرقتيها مننا
      وبعض الحبايب ظنوا ان البوست دا يخصك من جمال وحلاوة بوستاتك الساخرة الكوميدية
      رايك فى محله بالنسبة لاتجاه بعض الازواج امام هذا التيسير المادى اللى حققته الاقراص بس بينى وبينك اللى عينه زايغة ما بيبصش للمقدرة او عدمها وبيزود الطين بله مش نظيفة
      شكرا بنتى

      حذف
  2. هههههههه انت رائع استاذى فى كل شىء
    انا دلوقت عرفت هبة وكارولين دمهم خفيف لمين هههههه
    شعرت للحظات ان هبة هى صاحبة البوست

    ياعينى عليك يامصطفى انت وشيرين ...ربنا يستر عليهم من ثورة اقراص اللحمة والخضار


    انت فكرتنى بحادثة شوفتها بعينى وانا فى البلد بالشرقية كنت دايما اسمع عن جنون البقر والحاجات دى بس ما شفت ابدا حالة على الطبيعة
    وكنت واقفة بالبلكونة فى الفجر ومن عادتى بعد صلاة الفجر اقف فى الشباك او البلكونة اتنسم عبير الفجر الاتى حديثا من السماء قبل ان يلوثه ذنوب البشر طول اليوم ...( ماعلينا ههههه ) شوفت اللهم اجعله خير بقرة واقفة مش على طبيعتها لان من عادة البقر الهدوء
    لكن دى كانت رايحة جاية بشكل هستيرى وتخبط راسها بالشجرة بقوة وبشكل مخيف

    انا افتكرت انها خايفة من شىء
    عند الضهر عرفت انها ماتت واصيبت بالعمى لانها كان عندها جنون بقر

    اما موضوع انفلونزا الطيور مش عارفة كده حسه انها كانت مؤامرة على الشعب لهدف معين وان القصة فيها مبالغات كتيرة


    نعود بقى لقصتك الرائعة ومش هقول غير ربنا يسعد قلبك لانك قدرت تجعلنى اضحك من قلبى النهاردة

    اسعد الله حياتك كلها يااارب

    وتظل تمتعنا وتبهرنا بقلمك وخيالك وابجدياتك الجميلة

    معلش انا طولت عليك النهاردة سامحنى

    تحياتى وتقديرى

    ردحذف
    الردود
    1. ياريت ياليلى يطول كلامك كمان وكمان
      انا اتابع بكل شغف تواصلك انت وكارولين فانتما فتانتان حتى النخاع وان اختلفت صنوف فنكما
      ولو تعرفى يا ليلى تعبت قد ايه الى ان وصلت كارواين الى هذا المستوى التعليمى الفنى فكنت يوميا اوصلها بعربتى الساعة السادسة صباحا حتى الحق مواعيد عملى فى تمام السابعة صباحا وكان عطية شرارة وحسن شرارة واخت فايدة كامل الاوبرالية و عفاف راضى مدرسات فى ذاك المعهد وكنت من عاشقى اغانيهاوبالاخص احدى اغانيها وكانت من تلحين بليغ حمدى ولازلت اذكر احدى اغانيها ( لما تواعدنى هقوللك بكرة وييجى بكره اقولك بكره يعنى النهارده هقوللك لا وبكره مش راح اقوللك آه ) ياجمال هذه الاغنية معلشى اخذتك بعيد وازاى الموووووود دلوقتى
      شكرا ليلى الصباحى

      حذف
  3. فاروقنا
    ملك الزهرات
    وابن بطوطة المدونين

    ههههههههههههههههههههههههه
    بجد ده مش بعيد لو دخلت مترو او كارفور او اولاد رجب ستجد قسم الطعوم
    نجيب يا استاذنا طبق الفول التمام من عند الواد ابو عربية اللى على ناصية الحارة و نحط عليه طعم الكباب و يبقى احلى من كباب ابو محمد
    و نجيب طعمية من الست اللى بتقلى طعمية بيتى جنبه و نحط عليها طعم الباربكيو و تبقى احلى مشويات
    مع ربطة فجل و جرجير طبيعى و كوباية ويسكى من محل الطرشى تبقى احلى وجبة
    و سلامك للتروماى ابو سنجة وصل
    ههههههههه

    تحياتى يا فاروقنا

    ردحذف
    الردود
    1. اقسم بالله ياابراهيم انت وتركيب حكايتان لا تتكرران ولو قعد بلوجر مائة سته يغربل فى المدونين لن يجد مثلكما سخرية ونقدا وفهما ووعيا وادراكا وحبا لوطنه
      عشان كده انا حبييت الترمواى ابو سنجه اللى كان اول لقاء به يجمعنا يا عجوزهههههههه

      حذف
  4. هههههههههههههههههههههههه أضحك الله قلبك
    بجد دا مصيبة وحطت على راس تفيدة وطلع
    حسانين (مزمن ههههههه مدمن ) سفوف لحمة
    وضاني ويحرم على الست وذاللها وياعيني على
    الضحايا د. مصطفى وشيرين ونور أعانهم الله وعوضهم
    خير بحبوب (وياسيدي خليهم يجدولوا حبوب المحشي
    وبكدا هايلاقوا الكل في صفهم من الخضاراتيه
    ويشوفولهم طريقة مع الجزاريين ... الخيال منة
    من الله يحبونا بها فنضحك ونعي الرسالة ... دا حل
    جميل للحوم تحديدوالحمى القلاعية - حفظك الله
    تحيات اللجين لابداع الفاروق

    ردحذف
    الردود
    1. استاذتنا الكبيرة المقام والعلم الاكاديمية البليغة لجين
      والله انا اعجز ان اجمع كلمات تكون ردا لهذا الزخم اللغوى من بليغة مثلك ملكت زمام اللغة واغنتنا بعباراتها ومعانيهاواحرفها المرمرية
      اننى اتابع حوارك مع صديقتك ام عر ( كارولين ) وسعيد ان جمعتكما مدونتكما
      اكرر ثنائى واتحتى امام تعلقك الفريد

      حذف
  5. استاذنا وعمنا

    تقريبا ده هيبقي مشروع الميت سنة الجايين

    اصبح مع التطور لايوجد مستحيل

    هههههههههههههههههه

    طيب يااستاذنا الاقي اقراص فيها

    اتنين كيلوا ريش اه اسف اتنين جرام ريش

    طيب ممكن الاقي حتة من الفخدة والا الرقبة

    طب انا عايز شوية شوربة

    هيعملوها دوا والا ايه

    ده مشروع هايل

    تحيتي عمنا الرائع

    ردحذف
    الردود
    1. فعلا ياخلوجى الجميل التطور لاتقف امامه مستحيلات
      ويمكن لن يمر وقت طويل وتظهر مخترعات اكبرو اخطر من ذلك
      طلبك غالى يا خالد مش فخده بس انا سمعت ان فيه اقراص نازله بحجم الفطير الفلاحى تغنى عن عجل كامل .... لا تستعجل يا خالد وانا ساتابع هذا الموضوع لانك تستاهل كل اكله دسمه

      حذف
  6. ههههههه
    حسنين ومحمدين زينه الشباب لاتنين
    واتاري حسنين مدكن ...الله طب مش تقول يا محمدين
    احلي حاجه في القصه دي اني تخيلت اني مش حادخل المطبخ تاني
    قد ايه يا بابا انت بتريح نفسيتي
    والله لو عملوها دي تبقي فكره نيره
    بس شوف حسنين مكر برده علي مراته وده مش كويس
    وبرده كشفته
    والله يا بابا انا ضحكت كتير في البوست ده

    ردحذف
    الردود
    1. حبيبتى ام عمر
      الحمد لله اللى ارتاح بالك من حكاية المطبخ
      دأنا كنت عاوز اضيف ان فى الانشاءات الجديدة مفيش حاجة اسمها مطبخ ولا كمان حجرة سفرة حيث ان مسألة بلع الاقراص لا تحتاج الى منضدة سفرة يعتى كله سايح على بعضه ياريت الاختراع ده يتم هيوفر كتير فى مساحات الشقق وكذلك مواد البناء
      واتركك لفنك

      حذف
  7. أسلوبـك أكثر من رائع

    رائعـــــــة القصة بكل تفاصيلها

    وأضحكتني كثيرا ههههههههههههههههه ب شخصية حسانين

    حقا كان ينقصني الكثير في غيابي عن مملكتك الرائعة

    الفاروق/

    لك كل الود والمحبة المحملة بالتقدير والاحترام لشخصك

    ردحذف
    الردود
    1. اذاقصدتى انها مملكة فالذى يدخلها الاميرات الجميلات امثالك
      شخصية حسنين احترت فى تحليل نهايتها هل اصفه بمدمن اللحم والذى يبخله على بيته ام رجل طفص لا يكتفى بزوجة واحده وله بيت ثان يوفر له هذه الاقراص
      فتركت النهاية مفتوحة لاحبابى

      حذف
  8. على فكرة صيدليتي بتبيع اقراص طازة برضه
    تعالى يا حسين اشتري من عندي
    ههههههههههههههههههه
    قصة جميلة اوي و يا ريت فعلا يكون في حل لغلاء الاسعار المجنونة دي
    شكرا استاذ فاروق

    ردحذف
    الردود
    1. صباح الخير دكتور سيف
      شوف بقه هذه دعاية لاجزخانتك غير مدفوعة الاجر
      ثانيا ازاى هتروح الناس لاجزخانتك فى قنا وهذه مصاريف اضافيك
      بس يا سيف عندى فكرة ممكن ترسل الاقراص الطازجة بمظاريف عن طريق البريد بس الخوف المظروف يقع فى يد حسنين وتبقى مشكلة ثانية
      تحياتى وتقديرى لك حبيبى

      حذف
  9. اسعد الله اوقاتك بكل الفرح

    بجد قصة من الاخر... يعني اختراع ولا بالاحلام
    خصوصا لنا ستات البيوت
    لاطبيخ ولا ما يحزنون... والاسعار في متناول الجميع هههههههه
    مع انها برضو ارتفعت اسعارها بعد ما كانت بعشرة جنيه
    صارت بعشرين جنيه...يعني الغلا لاحقنا ..لاحقنا
    قصة جميلة ... واجمل ما فيها هذا الخيال الرحب
    وهذه الحوارت البيتية البسيطة التي تحمل في طياتها
    كثير مما يحدث في بيوتنا العربية
    بس برضو انا ما اعرفت ... هو كان مخبي الاقراص عن زوجته
    يعني خايف برضو على وزنها ؟؟؟؟؟؟؟
    امتعتني قصتك ايها الفاروق
    اتمنى دوما ان يبقى لديك هذا الخيال الواسع
    وان تتحفنا دوما بكل ما هو جميل وغريب

    لك مني خالص الود
    كن بخير دوما يا رب

    ردحذف
  10. وما الدنيا الا مسرح كبير
    فكرتنى بقصه مأساويه
    طفل صغير راح للبقال
    قاله عمو عمو عندك عسليه
    البقال قاله لاء معنديش

    ( مع انه هوه عنده جوه )

    ردحذف
    الردود
    1. انا عرفت دلوقتى بس يا باشمهندس سر عسولة كلامك تلاقى البقال كان مدكن العساليل ومحوشهم ليك
      شكرا لاهتمامك بالتعليق

      حذف
  11. هههههه
    قصة حلوة والله فكرت في الموضوع بنوع من الحقيقة
    يعني أقراص منفعش

    ردحذف
    الردود
    1. الفاروق
      لم يكن الاسلوب الساخر بجديد هنا فالاسلوب الساخر هذا موهبه رائعه توارثه اجيالك بطريقه اكثر من رائعه فنرى اسلوب كارولين فى السرد الساخر شىء رائع واسلوب هبه فى نفس الاسلوب شىء هائل والنتيجه اننا نستمتع اكثر واكثر مثلما استمتعت اليوم وابلغك يا فاروق المدونيين ان ظرف الحبوب عندى فانا كنت امر تحت الشباك عند القاء الظرف وان سال عليه حسنين فاعطيه رقم تليفونى واجعله يتحدث معى قبل ان ابدا فى استعماله
      سعدت بوجودى هنا تحياتى ابوداود

      حذف
    2. تحتمس
      انا تفسى صدقت نفسى ونسيت انه خيال فى خيال لدرجة كنت هنزل واجيب فرص عائلى كبير من الاجزخانة اللى جنبنا يقضينا يومين بس عيب الاقراص دى لا تصلح للتخزين احتسابالامكان غلو اسعارها مستقبلا
      شرفت المدونة

      حذف
  12. تحياتى أستاذنا لقلمك المبدع
    وأحييك قدراتك الخيالية الواسعة

    ردحذف
    الردود
    1. استاذ محمد
      العين لا تعلوا ابدا عن الحاجب
      انت دائما الاعلى

      حذف
  13. اعود اليك بوب
    هل الظرف الذى اكتشفته تفيدة كانت به اقراص تخصه كمدمن لحمه ويخفيها عن زوجته ام ان له بيت أخر وزوجة اخرى تركتنا يابابا لنهاية مفتوحة ارجو التوضيح لكى تكتمل الرؤية

    ردحذف
    الردود
    1. كارلو
      سواء كان له او لبيت آخر فكل صفة اردأ من الاخرى وقد حرصت ان يكون الامر مفتوحا لتقدير وراحة القارئ
      انت شايفة ايهما افضل ؟؟؟؟؟؟؟؟او نترك النهاية كما هى

      حذف
  14. بوب لا تبخل عليا بالرد السريع فهذا الموضوع شغلنى كثيرا

    ردحذف
    الردود
    1. ام عمر قمت بالرد السريع
      اسرعى انت بايجاد الحل الملائم لمثل هذه الحالة

      حذف
  15. استسمح البقية المحترمه من الزملاء بقليل من الوقت للرد على تعليقاتهم التى لها اهمية بالغة فى شأنى وشأن مدونتى

    ردحذف

  16. السلام عليكم:
    استاذ فاروق..اشكر لك سؤالك عني وزياراتك الكريمه لمدونتنا المتواضعه..
    شكرا للتذكير بالمناقشات اللغويه هنا سابقا..
    قرات موضوعك الجميل وسررت بتفاصيله خفيفة الدم في زمن بات المرء منا لا يرى الا العبوس والمشاكل.رغم تفاؤلنا بربيع عربي ينهي كل الازمات..
    ما علينا..لا اريد التنكيد عليك وعلى قرائك الاعزاء..

    بداية كأنك وضعت متعمدا كلمتين في طريقي هنا في الموضوع لكي اناقش بهما او ربما كانا خطأمطبعيا..نتركهما للآخر..

    والآن الى حسنين وتفيده....ههههههه

    قصة جميله تعيدنا لعصور البساطه التي افتقدناها منذ زمن بعيد..

    فعلا والله الحاجات غليت قوي,,,:)
    بل كل الدنيا نار مولعه..عندنا اكثر من عندكم كمان..
    تصور لتر البنزين اكثر من دولارين...!!!

    المهم بمجرد اخراج تفيده للمظروف شعرت ان حسنين اتكشف وانه عامل عمله مش ولا بد..(في نظر الزوجه..طبعا) مسكين وقع في شر اعماله..
    لكن السؤال هي رمت المظروف من الشباك لماذا؟؟؟
    كانت تصادره لها احسن..
    صحيح وزير الداخليه اهتم بقضيه الاخوه الصيادله والا قال :
    انا ماليش دعوه ومخصنيش..زي قصة الامريكان ياللي طاروا على بساط الريح من المطار وطلع كل مسؤولي مصر ملهومش دعوه...ههههه


    أومال العسكر بيحكموا مين..؟؟؟؟بيحكموا جزر القمر والا جزر واق الواق!!
    آسف خرجت عن الموضوع..

    القصه جميله ورايقه وحلوه زي صاحبها المحترم ..

    الكلمتين هما:
    حظر بدل حذر
    الثانيه
    أقضت مضاجع العالم( قاف بدل الفاء..)..

    تفلسفت هنا فقط لادخل السرور الى نفسك الطيبه فسامحني إن ثقلت العيار حبتين..
    تقبل حبي وثقتي وامتناني وتقديري ..
    وانتظر كلماتك الحلوه في مدونتي كلما سمح الوقت لك ايها الشاب المرح
    ولتدم بخير وصحه لاحبتك وعائلتك الكريمه..

    اخوك
    بن الايمان

    ردحذف
  17. ابن الايمان
    اولا انا اكررلك شكرى على هذا الاهتمام بما اكتب والتصحيح واجب حتىمع اكبر كتابنا وهم يحررون فى الجرائد المشهورة
    بالنسبة للحذر والحظر الاولى كان يمكن ان تجد محلها فغلا لو اضيف اليها حرف (من ) اى يحذر من استيراد كذا وكذا وحظر هى الاصح بدون حرف (من)
    والكلمة الثانية فهى غلطة اوقعتنى فيها حروف الكى بورد وصحتها كما اشرت القاف بدلا من الفاء وحرفهما متقاربة فى الكى بورد
    ولعلمك اخى الكريم اوقات كثيرة نرى الاخطاء وتخشى الاعادة حتى تتوه الرسالة بالكامل وحدثت معى اكثر من مرة ثم تركت الامر لاستدراك القارئ الحذق ( الحمد لله بالذال وليس بالزين التى دائما ما تقع عليها اصبعى )
    واذا رجعنا للقصة انت تعرف نرفزة الستات عندما تغضب وذلك بعد ان تيقنت من عينيه زواجه باخرى وقد تركت الامر مفتوحا لتقدير القارئ
    انا فى طريقى لزيارة مدونتك ويسعدنى ان اكون على علم برقمك الهاتفى فى رسالة غير قابلة للنشر حتى ارجع اليك ونتحاور فى بعض المسائل اللغوية والتحويه ايضا ولعلمك انا خريج آداب وتجارة قديم

    ردحذف
  18. اخى بن الايمان نسيت ان انوه حبيبى تأييدا لما سبق ان اشرت فيه الى الاخطاء اللغوية
    قد لاحظت انا شخصيا فى بداية العنوان ايضا نقص حرف (من ) حيث كتبت (عين الخيال ) وكان ينقص العبارة( من ) لتصير من عين الخيال وخشيت ايضافى التصحيح فد يضيع معالم الرسالة وتركتها ايضا لفراسة القارئ
    شكرا حبيبى

    ردحذف
  19. هههههههههههههههههههههه انا فكرت الحكاية بجد من طريقة العرض في اول 3 سطور وبلاغ متقدم بقى لوزارة الصحة وبعد التلات سطور كل ما اقرأ حرف اقول لأ انا فهمت غلط انا هرجع اقرأ من الاول تاني
    لأ دا فيه حاجة غلط اقراص ايه؟ !!! هههههههههههههههه هو استاذ فاروق بيهزر؟ هههههههههههههههه

    جميلة جميلة جميلة
    لولا

    ردحذف
  20. امل
    اشكر لك هذا الاطراء البليغ
    مش بعيد يتحقق هذا المشروع واتخيل ان اول الباحثين سيكونوا من المصريين لاننا شعب اكول
    اما بالنسبة لحسنين فانا منعت نفسى فى الاسترسال فى تحليل شخصية حسنين هل هو مدمن لحم ويبخل على اسرته ام له بيت آخر وزوجة ثانية مما اثار حفيظة زوجته

    ردحذف
  21. صباح الغاردينيا بابا
    هههههههههههههههه
    ايه الراجل دا بجد حزنت على تفيده
    بس اسلوبك الي عسل فكرني بهوبا حبيبتي
    وحسيت بالحوار اوي واستنيت اما اشوف اخرت حسنينهههههه
    ربنا مايحرمنا منك "
    ؛؛
    ؛
    لروحك عبق الغاردنيا
    reemaas

    ردحذف
  22. ابو داوود انا عارف انت عاوز حسنين يتصل بيك ليه اوعى ياابو داوووووووووووود ده راجل مزواج وعينه فطسه
    وانا خايف عليك منه لحسْن يغريك
    الظرف ده تفرقه على الغلابه اللى بيكلوا اللحمه فى المواسم والاعياد فقط
    بس انت مطلعتش ليه وكنا نقوم بالضيافة
    نورت يا ابو دا وووووووووووووووووووووووووووو

    ردحذف
  23. لولا والاخت الشقيقة الزهراء
    اهو انت الجميلة الجميلة الجميلة
    كل ما ينطق به قلمك فهو جميل وجذاب
    كم اتمنى ان اسمع ادائك خاصة بعد ان سمعت عزف ام عمر حتى تكتمل المنظومه الغنائية
    شرفتى

    ردحذف
  24. ابنتى الماسة الخامسة
    كثيرا من قالوا ان هذا اسلوب ومنهج هبه
    كلكن بتاتى بنات حلال
    طمئتينا دائما عن صحتك يا ريماس ودائما ما نتوجه للسماء بان يزيل عنك كل مكروه
    شكرا ابنتى الصغيرة العمر الكبيرة الفكر

    ردحذف
  25. ههههههه فكرة حلوة بس هتعمل مشاكل

    امممم وبعدين نلاقى اخوانا الصيادلة يستغلونا :)

    والرجالة هيفضلو بنفس العادات المصاريف كتير لكن الاكل بره البيت ميعملش مشكله


    صباح الخير عمو فاروق
    قصة جميلة:)

    ردحذف
    الردود
    1. امة الرحمن
      هى فكرة صحيح هتعمل مشاكل وكل امر وله ايجابياته وسلبياته ولكن لن تكون اسوأ مما نحن فيه وبالنسبة للصيادبه الحمد لله لينا ظهور كثيرة تحمينا
      اما بالنسبة للرجاله فالطمس طمس من يومه ولا يهمه رخيص ولا غالى فى تحقيق نزواته ولو حتى كيلو اللحمه وصل اكثر من مائة جنيه هوه غاوى يعيش فى البرك ذات الماء الراكد مثل اخينا حسنين وامثاله كتير
      شرفت يا امة ورحمتك عمت علينا يا امة الرحمن

      حذف
  26. ههههههههههههههههههههههههههههه

    مساءك ورد فاروق

    قصة من الخيال ولكن مع الوقت لايمكن أن نتنبأ بالقادم

    فالذي جعل للفيتامينات والكالسيوم والحديد حبوب يجعل

    للحمه والخضار والفاكه كمان حبوب وهنا تذكرت فيلم قديم

    جداً هو زائر من الفضاء بالفعل كانت وجباتهم حبوب ....

    قصة خياليه رائعه يا فاروق ومازلت تنثر الحكايات والقصص

    بروعه وتفرد ....

    تحياتي وإحترامي

    ردحذف
    الردود
    1. ريبال فارس فوارس السعودية
      لست ادرى دائما واتخيلك تمتطى خيل الفروسية ... يمكن من كلامك يمكن من طلعتك يمكن من طللتك فالانسان يعرف من تعبيره ويرى من بيانه ويظهر من فيض رقته
      اذن بعد تعليقك لا اعتبر ذلك من عين الخيال انه اشارة الى قرب واقعه ...... فكما اشرت بذكاء وفطنه ان الذى جعل للفيتامينات والكالسيوم والحديد وايضا للمتشطات حبوبا يجعل للحمه والخضار والفاكهة حبوبا واذا تغلفت وطعمت بالروائح والتكهة المصاحبه لكل توع لا يصبح هناك ادنى مشكلة فى تناولها والاستمتاع برائحتها ونكهتهاوسرعة هضمها خاصة انها سوف لا تسبب لا سمنه ولا ضغط ولا سكر ولا تقل ولا عسر هضم ولا اسهال ولا امساك ولا صداع ولا تصدع
      والله يااخى قد يكون كلامك حافزا لاخواننا الباحثين للمضى فى هذا الامر بكل جديه اشكرك حبيبى المخلص المجامل الجميل نفسى اقيلك

      حذف
  27. هههههههههههههههههههه
    طب وبترمي الظرف من الشباك ليه..هههه
    فكره القصه حلوة
    ..بس لو ده بجد .. واللهي يوفروا وقت في الطبيخ..
    في مشكله دلوقتي انا لما احب اعضر برتقال كده..
    اجيب حبه وافرمها في الخلاظ يعني..
    ههههههههههههههههههههههههههههههههه

    يالله الفكره ضحكتني كثير..بس خليتني افكر بجد
    انها ممكن احسن بكثير من الطبيعي والطازج
    لا مرشوش مبيدات معرفش ايه..ولا حجات تخلي الفاكه تستوي قبل اوانها


    مش بعيد

    ردحذف
    الردود
    1. RAY
      انتم ياستات فى نرفزتكم تبقوا مش عارفين بتعملوا ايه بعد ان ظنت انه له بيت ثانى رمت المظروف ولعنت مظروفه بالتلاته
      والله يا ريى انا من كتر الاحباء مااستحسنوا الفكرة بفكر صحيح ان اتقدم لهيئة البحث العلمى للبحث فى ايجاد بدائل لجميع اتواع الاغذية شان ما يتم فى البدائل الاخرى كالفيتامينات واقراص الكالسيوم والحديد وهو ما نوه اليه اخينا الفارس السعودى ريبال
      والى لقاء قريب

      حذف
  28. هههههههه

    مافيش أقراص بالرنجة؟؟
    بس مش من عند صيدلية مصطفى سيف
    أحسن بيبيعها مغشوشة وفيها مواد حافظة كتير

    وياريت قرص بتنجان وقرص طماطم ونص قرص بصل مفروم
    ونعمل مسقعة ء:P

    *****

    بجد استمتعت هنا
    وياريتها طولت شوية وشفنا البيوت التانية عملت ايه

    تسلم الأيادي

    ردحذف
    الردود
    1. سكن الليل
      انا معاكى اقراص مصطفى مغشوشة
      يستاهل مصطفى عشان ماسددشى فاتورة الاعلان اللى فات ثانيا بالنسبه للاقراص الكثيرة اللى طلبتيها فيه قرص واحد فقط يغنى عن عمل المسقعة بس سعره غالى شويه خمسة جنيه فقط وهو خالى الملح ومعه وصفة التحضير ....... الصينيون ماخلوش حاجة
      بالنسبة للبيوت الثانية جارى اعداد مسح لمعرفة رأى الناس
      وستوافيكم به فور اعداده وسينشره المجلس العسكرى قبل نهاية مدته

      حذف
  29. ههههههههههههههههههههههههه
    ياخبر ابيض
    ده حنا نكسب مكاسب خرافية
    ههههههههههههههههههههههههههههههههههههههه

    عجبتنى فكرة هناكل خمس اقراص دى


    عارف يا استاذنا انا بقالى فترة عماله اقول خدوا بالكم من السمك عليه الدور صدقوووونى

    ردحذف
    الردود
    1. اصلى انتى عزيزة علياقوى قوى قوى يا نور عزة عبه وكارولين وكنت عاوز انتهز هذه الفرصة واقوم بالواجب معاكى بدعاية مجانية اشمعنى الدكتور سيف
      معلشى ملحوقه فى رسالة الاقراص الجايه الباخرة على وشك الوصول من الصين

      حذف
  30. معلش هعلق تانى يا استا1ذنا انا رديت على استفسار حضرتك عندى فى اخر بوست :)

    ردحذف
    الردود
    1. وانا يا نور مش هشبع من تعليقاتك
      بس اوصيكى شوية اقراص لحم بتلو لان بدور عليهم مش لقيهم فى الاجزخانات لان اقراص الضانى منتشرة بس للاسف الدكاترة منعينها عنى وبلاش الاقراص الصينى ياريت تكون برازيلى او استرالى الله يخليكى

      حذف
  31. مِسِأِأًء أٌلُخُيًيُرٌ //
    بًجٌجَجّدً يِشّرّرُفُنّيٌ أُلّمًرِوّوِرّ هٌنٌأُ وٌيًڳُوٌنّ لِيٌ أٌثّرَ فًيْهٌأٌ
    رَأَقٌتّ لِيُ جُجٌدّأَ .. وُ تٌسّسّلّمً عَ سّمِوَوّ أًلًمًرِوٌوِرً دّأُئمّأِ فّيّ مَدٌوًنَتُيِ أِلًمٌتِوُأًضًعُةة
    تُحَيُأٌتًيُ لَڳّ : بِشِرّى

    ردحذف
  32. أزال المؤلف هذا التعليق.

    ردحذف
  33. قصه رائعه كثير بارك الله فيك اختي في الله

    ردحذف
  34. بس في اكلات برده مش هيعروفوا يعملوا ليها اقراص ازاي يبقى فسيخ او رنجه معقوله يبقى في فول او طعميه ولا الباذنجان ههههههههههه
    جميله القصه وتسلم ايديك
    تحياتي ومش تزعل من تقصيري

    ردحذف