الخميس، 20 يناير 2011

انا وعيالى ومراتى عند غـــــــالى

الخبــــــــر                                                                                            اكد الدكتوريوسف بطرس غـــــالى وزير المالية امس أن مصر لديها نظام حماية لمحدودى الدخل حيث ان ما يقرب من 10%من الناتج المصرى يوجه لحماية هذه الفئة. وان هناك محاولات الآن لتحسين وضع الدعم ليصبح اكثر فاعليه ويستفيد منه الاكثر احتياجا ، كما اننا لدعم المسار الاقنصادى لهذه الفئة وتنميةالموارد المالية وذلك من خلال عدة مبادرات آخرها مبادرة ( حقق احـــــــــــــــــــــــــــــــــــــــــــــلامك ). التى توفر قروضا للعاملين بالجهاز الادارى للدولة بفائدة 7/5% (خمسة وسيعة فى المائة)وتقدم لنا اكثر من مائة الف طلب للحصول على هذه القروض من جميع انحاء الجمهورية   ،  وعلى تعليقه حول الانخفاضات التى شهدتها اسواق المال على مدى اليومين  السابقين قال غالى : ات التوتر الذى تشهده المنطقة اثر سلبيا علىنظرة المستسمرين الاجانب وانها فترة مؤقته.الى هنا انتهى الخبر                              

 (فى صباح امس الباكر وانا نايم على سريرى فى امان الله عما ل احلم باحلام لذيذة ولطيفة خالص آل ايه انا بتحرق والناس اللى معايا وكلنا بنهلل وبنكبر وندعى للحكومة اللى لبت بوعدها بحرق كل اصحاب الطلبا ت اللى كانوا واقفين فىالطابور عشان تخلص منهم بعدين تلبى طلباتهم على مهلها وقمت من نومى مفزوع                             

  مراتى:قوم ياراجل بتاع الجرايد جاب الجرنال يالله نروح للوزير غالى ونقدم طلب قرض لحقق احلامك بدل الاحلام اللى انت نايم تحلمها لاتودى ولا تجيب                   

  انــــا :قرض ايه ياوليه هنعمل بيه ايه ، مش انا لسة شريلك غواشات الذهب الصيــــــنى اللى كلفونى اكثر من عشرين جنيه عشان نفسك تلبسى ذهب انت وسط جيرانك ،وجايب للواد الكتب الاضافية اللى كان منعها .وزيرالتعليم الدكتوربدر  ولسة جايب للبت موبايل صينى بميت جنيه عشان ولاد الجيران كل واحد فى ايده موبايل الله يخرب بيت اللى اخترعة فضى جيوبنا حتى اولاد البوابين فى ايد كل واحد منهم موبايل بيجيبوا الفلوس دى كلها منين انا مش عارف؟؟؟؟                          

  مراتى : ياراجل ياخايب انت مش فاهم قصدى يافهيم نسبة فايدة القرض ده 7/5%والبنوك بتدى فايده على الودائع 9%احنا هناخددقرض كبير ونديه للبنك ونستفيد  باكثر من  3 %                                                                                                انــــاــ( صحصحت قوى ) والله براوة عليكى يامراتى طلعتى اذكى من غالى انا كنت بحسبك رزية على قلبى داانا من هنا ورايح احطك جوه مخى وشوف بعينكي يا عنية                            

  مراتى : امال ايه مش زيك عمللى مؤلفاتى وفتحت مدونه وطول الوقت قدام الزفت الكمبيوتر تعكنن على الناس بقصصك السخيفة وتعطل وقتك ووقتهم بدون فايده ولا عايده يالله قوم البس وانا رايحة البس ولبس العيال ونجرى ونروح لغالي
 (فى دخلة ابنهم يستفسر)
                                                                                            الولد: هنروح فين يامه

 الام : هنروح ياواد لعمك غالي

  الولد: اوعى يامه تكون زى فسحة امبارح الله يجازيه حسنى ده انما يامه كل اللى بتزوروهم اليومين  دولة  وزرا؟؟؟                                                             
  الام : يالله يالله متعملش فلحوص زى ابوك                          

(ورحنا الوزارةودخلناأناومراتىوعيالىمكتب الوزير غالى ومن الغريب اننا وجدنا زائرين بمكتب السكرتارية يتحادثابصوت مسموع                                                                       

 (احدهم يقول كيف يتم تخصيص 10% فقط  وهذا فيه اجحاف كبير ا لطبقة محدودى الدخل  كما ذكر الجهاز المركزى للاحصاء ان نسبة عدد محدودى الدخل فى بلدنا تعدت ال50% تقريباةهى تشمل الموظفين واسرهم والارامل وشباب وفتيات غير قادرة على الزواج يعنى تقريبا 40 مليون اى نصف سكان مصر، ونسبة ال90% تذهب للاخرين اى للاربعين مليون الباقية  وانا داخل دلوقتى للوزير عشان اعرض عليه هذا الامر (وقد حاولت مراتى التدخل فى النقاش ولكنى لكزتهاواخيرا دخلنا لغالى وبعد اداء واجبات الاحترام فاجاتنى مراتى بالحيث مع الوزير     

 مراتى للوزير : يا معالى الوزير البنت الصغيرة اللى قدام سيادتك مدخلتش بطاقة التموين                                                   

 غــالى : اولا مسالة بطاقات التموين ليست من اختصاص وزارة المالية انما تخضع لوزارة التنمية وعموما احب اعرف انتم دخلكم كام ولكزت مراتى وزغرتلها لكى ارد انا لانى عارف مايقصده غالى                                                                          
  انــــا : الحقية انا دخلى الف جنية وشوية بسيطه                    

  غالى : معنى كده البنت مش هتخش وانتم كمان هتخرجوا         

 مراتى : هنخرج ازاى ياسيادة الوزير من مكتبك                    

  غالى: لاه من بطاقة التموين لان هناك اتجاه من الدولة بعدم استمتاع اللى دخله الف جنيه فاكثر من الدعم المخصص ببطاقات النموين وكان الالف جنيه بتعمل الهوايل وتصورت وجودها فى يد الوزير هل ستكفى الخادم الذى يخدمه                                                                        
( ولما سمع ابنى لفظ الخروج وهو لايعلم القصد جرى الى باب المكتب خارجا وتابعته مراتى وابنتى وانا منكس الراس من هذه الاخبار المؤسفة                                                                      
 هذه المشاهد من عين الخيال ولكن الخبر حقيقى          .                                                                                                                      

هناك 31 تعليقًا:

  1. ههههههههههههههههههههه
    عليه العوض ومنه العوض
    مش عارف والله اخرة اللي بيحصل ده
    لله الامر من قبل ومن بعد
    بس حلوة بجد

    ردحذف
  2. يا عيني على العيال اللي مبهدلهم من وزير للتاني
    يا راجل ارحمهم مرواحك للوزارة مش هتطول منه لا ابيض ولا اسود
    بس حلوة فكرة قرض البنك وقرض الوزارة
    تحياتي يا فاروق
    حلوة القصة

    ردحذف
  3. السلام عليكم
    هههههههههههه ربنا يبارك لك على الطرح دا
    ربنا يهدى الناس شوف كام هيجروا عشان الموضوع دا وبعد اد ايه هتلاقيهم على ابواب المحاكم
    هو احنا ليه بقينا شعب استهلاكى كدا
    (يمحق الله الربوا ويربى الصدقات )
    الوزير ربنا يهديه بياخدنا لطريق ما يعلم بيه الا ربنا والناس مش فاهمة بتجرى وخلاص
    نفسنا فى شوية وزرا صينى

    ردحذف
  4. هههههههههههههه جميلة جدا
    وانا اول واحدة حقف فى الطابور اهو الحقلى دور فى الميغة دى واخد قرض
    بس ربنا يستر بقى واقدر اسدد ولا ساعتها اروح فى حديد
    واقول استاذ فاروق ومدونتة هما السبب
    تحياتى قصة جميلة بس ياريت المرة الجاية تاخد المدام والاولاد جنينة الحيوانات او العتبة او سوق الجمعة اهو احسن من زيارة الوزراء
    تحياتى لك ولقلمك الساخر

    ردحذف
  5. الاخ سندباد اشكر تعليقك واعتذر فقد حدث خطأ فى النشر حيث ضغطت على زرار النشر قيل استكمال السرد فتقبل اسفى للرجوع مرة لاخرى مشكرا

    ردحذف
  6. مدومة رحلة حياة اشكرتعلبقك واعتذر فقد حدث خطأ فى النشر حيث ضغطت على زرار النشر قبل استكمال السرد تقبلوا اسفى فى الرجوع اليها مرة اخرى

    ردحذف
  7. السيدة هبه اعتذارى لرجوعك مرة اخرى لخطأ فى النشر

    ردحذف
  8. يعنى هى الالف جنية تعمل اية فى الزمن دة تجيب سكر ولا رز ولا زيت دة حرام بجد كمان بطاقة التموين حتتلغى علشان مرتبة الف جنية
    كتر خير الحكومة والوزارة قامت باللى عليها وزيادة
    مشكور استاذى بوست فى الصميم

    ردحذف
  9. الاخ سيف رجوعك الى السرد مرة اخرى فيه اعتذار كبير كبير منى حيث ان السرد لم بكن مستكملا بعد

    ردحذف
  10. ههههههههه ربنا يكون في عوننا
    تسلم ايدك

    ردحذف
  11. فاروق .................
    دخلك ألف جنيه وساكت على نفسك ليه ماإشتريتش نص أراضى مصر وتتاجر فيها دانت غنى أوى وليه حق يوسف بطرس غالى يطردك بالمنام والخيال داكويس إنه ماقتلكش
    أصل عندهم محدودى الدخل موش زيى وزيك محدودى الدخل اللى بيشحتوا فى الشارع أما متوسطى الدخل فأنت منهم لأنك من شعب مصر أما الحكومة والوزراء ورجال الأعمال مالكش دعوة بيهم لأنهم على راسهم ريشة وهمه من البهوات اللى تنساهم وماتقارنش نفسك بيهم لأنهم
    أسيادك وحكامك وملوكك وأمراءك يعنى حقهم يدوك قصدى يدونى بالجزمة وماتكلمش شكرا لك

    ردحذف
  12. يا صباح القروض والبنوك والتموين
    يعني مهما هربت من الكلام في السياسهاتي لك
    بلاقي نفسي بتكلم فيها برضه
    انا بس حاتكلم عن القرار الخاص بالتموين
    وحرمان من دخله الف جنيه منه
    ده قرار فيه ظلم كبير
    لان الف جنيه في الزمن ده مش حاجه خالص
    تحي

    ردحذف
  13. استاذ فـــاروق ابن النيل مرحبا مرحبا هلت ليالى الفاروق المسمرة كم كانت زيارتك قصد عينىومناها ، وفى هلولك وتشريفك اقصى ما كانت تتمناها اخى فاروق اتذكر فى تعليقى مرة على عزيزتنا تيرز فى خاطرتها عروسة بلاستيكية اشدت قبل تعليقى ببلاغة تعليقك لها وفى وصفك للمراة عندما تشيخ اما عن موضوعنا وما اشرت اليه بنغمة ساخرة ومواربه عن الوضع والاوضاع ، وانى اذكر بيتا قديما ارى الصبر يفنى والهموم تزيد** وجسمى يبلى والسقام جديد اما عن مسألة متوسطى الدخل ومحدوده فالحكومة هى التى حددتها واعتبرت ان من يحصل على الف جنيه ليس من محدودى الدخل او متوسطه انما من المكتفين ولا حاجة له الزيت والرز والسكر المدعم ويقدر يشترى كيلو السكر بعشر جنيهات المهم تزورنى وزورك والست مراتى والعيال حجزوا كيلو سكر ليك

    ردحذف
  14. السيدة كارولين بمناسبة الالف جنيه هناك شارع فى وسط البلد بجوار العتبه الخضراء اسمه شارع الالفى نسبة الى سكانه الالفيين وكانوا يعتبرون الالفى اثرى اثرياء البلد لانه يملك الف جنيهاالكلام ده فى الثلاثينيات والظاهر حكومتنا عايشه لسه فى هذا الزمن ومصحيتشى

    ردحذف
  15. الكاتبة والشاعرة كارمن المجاملة والمشاطرة فى دمك ، انا ومراتى وعيالى بندعيلك لانك دايما معانا وعقبال منباركلك ويبقى دخلك الف جنيه ومتحتجيش لدعم الحكومة

    ردحذف
  16. اليدة هبه انا معاكى فى عجزنا عن كيفية توزيع الالفية دى الالفية عوزلها الف الفية عشان تمشى كويس سايق علبكى النبى تدعيلى انا ومراتى وعيالىوخصوصا مراتى هي السبب فى زيارتى لغالى

    ردحذف
  17. الدكتور سيف حكاية الزيارات دى من اختصاص الست مراتى وهيه اللى بتزن على دماغى يالله نروح لحسنى يالله نروح لغالى فيها عرق بشواتى بتقوللى انه كان فيه جد من جدود جدودها كان وزير الحقانيةوشببطت العيال فى هذا الموضوع وانا مش عارف يعنى ايه الحقانية ولا هيه كمان عارفه نهاينه

    ردحذف
  18. مدونة رحلة حياة اولا اشكرك على تعليقك وانا اضيف ان قبل المحاكم التى ذكرتها هترتفع الاسعار لان من آليات السوق كلما زادت النقدية وانتعشت الاسواق ارتفعت اسعار السلع لاقبال الناس عليها

    ردحذف
  19. الاستاذ سندباد عندى سؤال صغير ليك هل قبلتك مشاكل فى جولاتك الكثيرة حلوة وملسوعة ومحروقة زينا وكما قلت للله الامر والتدبير من قبل ومن بعد

    ردحذف
  20. يوسف بطرس غالى ده يستحق لقب الوزير الاكثر استفزازا للمصريين

    و عليه برووود عجيب

    ردحذف
  21. ههههههههههههههه
    انا برحم العيال الي بروحوا من مشوار لمشوار
    امبارح للمتحف
    واليوم للوزير
    ههههههههههه
    ربنا يكون في العون
    تقبل مروري
    سلامي ليك اخي.

    ردحذف
  22. هي الالف جنيه دي شوية؟
    يا راجل ده انت ممكن تجيب بيها شاليه في الساحل الشمالي ومعاه عربية بي ا دبليو ومش بعيد تصيف كمان بيها في تركيا
    صحيح شعب زي القطط تاكل وتنكر
    ههههههههههههههههه
    يبقي متنساش وحياتك يا استاذ فاروق تعدي علي اللي اسمه حاتم الجبلي
    تحياتي لقلمك الساخر الجميل

    ردحذف
  23. الكتور سيف لو استمرارنا عزيزى كلنا فى الكلام عن الالفية وشارع الالفى مش هنخلص وهنخلص ورق كتير , صديقى مصطفى لما تطلب منى طلب بعد كده خللى صوت قلمك واطى لحسن مراتى بتسمع صوت دبة النملة .... مبسوط ياسيدى آهى صحيت وسمعت صوت قلمك لما طلبت اعدى على الجبلى وقلتلها ياوليه دا انا مش هسافر جبال الهملايا بالهند عشان ازوره فرحت وقالت لازم اسافر انا معاك والعيال
    ( تصدق يامصطفى انت صحيح فكرتنى باجمل ايام حياتى عن زيارتى جبال الهملايا بالهند حيث كنت فى مأمورية رسميةواسمحلى اتكام عنها لاحقا )المهم ربنا معاكم فى رغيى الكتير وبناء على طلبك هعدى على الجبلى اليوم انا ومراتى وعيالى اصلها بعافيه شويه

    ردحذف
  24. خواطرى مع الحياة انا ماليش ذنب فى زيارتهم للوزراء همه اللى بيطلبوا، وبالعربى اصل مراتى بتغير عليه عشان انا عينى بصباصة على الفارغة والمليانة حتى فى السياسة، خلقة ربنا بقه اما العيال فهمه مبيخرجوش ابدا لكن شافو ان اعادهم فى البيت احسن وافضل بكتير من زيارة الوزرا( اوعى تصدقى انى انا بصباص دا كلام تدوينات انما انا صحيح ببصبص للكلام البليغ اللى كله اغراء فى المدونات ) مع شكرى وتقديرىوانتظرى زيارتى للجبالى وزير الصحة اليوم انشاء الله

    ردحذف
  25. الاخت الناقدة المرموقة tears لقد صدقت وصدق تقديرك لغالى، وانا حاسس انهم اختاروه لسببين اولهما انه يقدر يغللى كل حاجة لمصلحة الحكومة من ضراءب وجمارك وغيرها وثانيهما انه يقدر يغلى دم الناس كما قلت والنتيجة زيادة نسبة الحرائق والمحروقين مع تحياتى

    ردحذف
  26. اولا اسمحلي ان اهني حضرتك على اسلوبك الرائع في تناول الخبر ونقده بشكل فكاهي ساخر
    ويسعدني ان اكون من زوار مدونتك

    واعذرني على التاخير
    دمتم وعائلتك الكريمه بصحه وسلامه

    ردحذف
  27. أستاذ فاروق

    تحية طيبة

    بصدق أسلوب جميل جدا ، سلاسة ودقة ووالله أن شر البلية ما يضحك

    أسأل الله أن يفرج هم مصر وأن تنزاح عنها الغمة


    لك تقديري

    ردحذف
  28. استذ افلح اشكرك على اول زيارتك لى يا ابو الزمل ، والحقيقة انا كنت ابحث عن زميل لى فى شارع المدونات ، لكن اعمل ايه هذه الايام الواحد مبيعرفشى مين جاره اللى جنب منه، واعذر لىحداثة اشتراكى فى هذه امدونات الساحرة اللى عرفتنى على شخصية ظريفة مثلك وانشاء الله نتبادل الزيارات مع بعض ونعمل انا وانت ومراتى وعيالى رابطه اجتماعية وشكرا

    ردحذف
  29. الدكتورة هند لازلت اكرر طلبى بتطويل وتعريض وتوسيع شريان قلب مدوناتك الشافية حتى يجرى دم الحياة فى عروقناونقترب من الوصول الى ذاتنا اكثر واكثر وشكرا

    ردحذف
  30. الى استازى العزير معنديش كلمة اقولة الا يا حول الله يا رب نفسى كنت اشوف فى عصر المبارك المخللللللللوع اى وزير كويس يوحد بة ربنا الصبر كويس تحياتى الجملة لك

    ردحذف
  31. ابنتى انجى سعيد بمرورك وارجو متابعة جميع اعمالى والعمل على انشاء مدونة باسمك
    الفاروق

    ردحذف