الأربعاء، 19 يناير 2011

شخبط شخابيط( تعليق على خبر )* بقلم فاروق فهمـــــــى



الخبـــــــــــــــر                                                                                       


فـــــــاروق الوزير يفتتح معرض فــــــــاروق الفنان    افتتح حضرت  فاروق حسنى بعد خمسة اشهر من اغلاق متحف محمد محمود خليل منذ الخيبة الثقيلة سرقة لوحة زهرة الخشخاش وحضر الحفل كم كبير من نجوم المجتمع من فنانين وكتاب ورجال اعمال                                                                                              


ولما الناس دول كلهم حضروا قلت ياواد خد مراتك وعيالك واعملها فسحةوفرح العيال والجماعة بتوعى زى مافرحت جماعات النفاق فرادا وجماعات بتوع فاروق حسنى ، وللاسف اول الفسحة كانت متعبة ركبنا الاوتوبيس غلط اصله مش حاطط يافطة الاتجاه حتى النقل العام بقى يعاكس الناس وبدل ميودينا الجيزة عند متحف عمنا الرحوم محمود خليل ودانا العباسية عند السرايا الصفرا وياريت كنا زرناها كان افضل من هذه الزيارة الفارغة المشؤمة المهم احنا رحنا وقابلتنا المناظر التالية          اولا :منظر افراد الحراسةالنائم على نفسه وعمل كأنه لم يراناكعادته عنما سرقت اللوحة والا عشان انا كنت لابس قميص وبنطلون بدون جيوب ممكن احط فيهه سلاح نارى او سلاح ابيض لتمزيق اى صورة  واسرقها المهم دخلنا انا والعيال بدون تفتيش ولا تذاكر ايضا ربنا عالم بحالنا ولما دخلنا وعشان دى لوحات الوزير وضعوا امام كل لوحة كرسى وعليه حارس يشترط ان يكون نائما حتى لايزعج الرسومات وحماية لوحاته الخيشية مش الخشخاشية ويلعن ابو الخشخاش واللى زرعة واللى رواه واللى رسمه المنظر الثانى :0الواد ابنى يزجرنى ويخبط ساقى برجله ويقول ايه يابابا الفسحة الخمارى دى رسومات ايه ووزير ايه يابابا بالزمة مش  الرسم بتاعى اللى انت بتعيب عليه مش احسن من رسم الوزير ده هوه ياباباده الرسم اللى بتقول عليه نانسى عجرم شخبط شخابيط وبينى وبينكم انا لم افهم مع ابنى معنى هذه الرسوم واتهمت نفسى بالجهل الفنى والرسم التجريدىوه كان بجوارى زائر انصفنى وستجدونه فى المنظر التالى  .   المنظرالثالث:لاحظت احد المدعويين ياعينى واقف مش عارف يبص على اللوحة كويس من اى اتجاه زى المنظر بتاع عادل امام فى فيلم عريس من جهة امنية وهوه بيسحبها عشان يقلبها ويعدلها ظنا منه انها مقلوبه هز الكرسى اللى نايم عليه الشرطى وصحى الشرطى وصفر صفارته للقيض على هذا اللص اللى جاى يسرق لوحة الوزير .. لوحة الوزير ياخبر احوس الدنيا اتقلبت وسين وجيم للزائر المسكين ومن الحرس الى قسم شرطة العجوزة لاجراء التحقيق اللازم وشكر يقظة الشرطى النائم الصاحى                                           
   المنظرالرابع:(احدالزائرين للآخر) : ازاى يااخى الوزير يفتح لنفسه معرض فى المكان اللى اتسرقت منه اللوحةوفى وقت الناس كلها منتظرة نتيجة التحقيق اللى هيروح فيه ناس كبش فداءيعنى احنا خلاص سوينا كل مشاكلناوالوزير جمع النجوم ورجال الاعمال ووقف يتصور هو مش هما وفرحان قوى والامر انعكس مين يفرح مع مين الوزير واقف وسط ليلى علوى ولبلبه ودينا وهيفاءورزان مغربى  ومن رجال الاعمال نجيب ساويرسومحمد ابو العينين  واحمدابو هشيمة ومن الكتاب مجدى الجلاد وخال صالح ومصطفى الفقى ووائل الابراشى الكل حضر يبارك وبهنى والكل نسى زهرة الخشخاش والذى زرعها واللى رسمها واللى اناها                                             


 المنظر الخامس:( منظر اتنين كبار بيميسو على بعض لصالع عمنا الوزير ) انت مش ملاحظ هذا العام يعكس حالة من التشاؤم على اعمال سيدنا الوزير لان الوزير حاصر الالوان


المتفائلة التى توحى بالامل باللون الاسودمما يعطى احساسا بالحيرة( والحقيقة انا اللى احترت واصابتنى الحيرة من كلامهم) ويرد عليه الكبير الاخر انت تعلم يااخى ان الوزير رسم هذا العام 350 لوحة التى رسمها ماشاء الله وبعونه( ربنا يخللنا رسوماته ويجعلنا نستغنى عن رغيف العيش ببركاتها                                                    


 المنظر السادس الست بناعتى وابنى يجريان للخارج زعلانين منى على هذه الفسحة القرديحى  وانا وراهم اجرى والهث زعلان من نفسى                                        


ملحوظة : هذه الخاطرة من وحى خيالى وفى الحقيقة ماهواغــــــــــــــــــــــــــرب        



 فاروق فهمـــــى

هناك 11 تعليقًا:

  1. حلوة
    هههههههههههه
    صدقت بكلامك الحكام والوزراء بيهتموا باشياء مالها داعي
    يتهتموا فيها اكثر من الشعب
    استغفر الله
    بجد ضحكتني
    اسلوبك بالكتابه روعة بيجذب القارئ لنهاية القصة
    بعدين دي تسميها فسحة
    لو اعطوني ملاين وقالوا لي روحي مثل هذا المكان ماباروح ولا بخطيه ابدا
    هههههههههه
    تقبل مروري
    سلامي ليك اخي.

    ردحذف
  2. ههههههههههههههه
    حرام عليك يا استاذ فاروق ده حتى الراجل اسمه علي اسمك
    كده تقطع في فروته :)
    فيها ايه يعني لوحة اتسرقت الدنيا هتقف؟ هو يقدر يرسم 350 لوحة في السنة احلى منها :)
    معاك حق في كل اللي قلته وفعلا هو من كتر همومه في الوزارة مش لاقي وقت يرسم فيه اكتر من 350 لوحة
    وبعدين هو اصلا مش فاهم هو رسم ايه تيجي حضرتك تحاول تفهم المرسوم؟
    بصراحة هو لو عنده ريحة الدم او شوية كرامة كان استقال بعد حريق قصر ثقافة بني سويف او حتى بعد سرقة زهرة الخشخاش
    لكن هو معندوش ريحة الكرامة علشان كده هيفضل وزير واحتمال يبقي رئيس وزارة بعد عشر سنين
    تحياتي وتقديري

    ردحذف
  3. اولا انت لازم تعوضهم بخروجه
    تانيه

    وثانيا يا استاذي السلبيه
    والتتنيش اصبحم كأغاني الفديو كليبات
    العاريه التي اندهشنا منها في البدايه
    واعترضنا عليها كتير و
    اصبحت بعد ذلك تمر كشئ عادي
    وبعدين انت هلكتني من الضحك عند جملتك
    الله يخللي لنا روسوماته وخلانا نستغني عن رغيف العيش

    صباحك سكر
    وتحياتي العطره

    ردحذف
  4. طيب دنتا الرسومات اللي علي صفحة المدونة بتاعتك
    اجمل من رسومات سيادته
    تحيتي

    ردحذف
  5. هههههههه والله اسلوبك زى السكر
    انا مش فاهمة الوزير فاروق حسنى اية علاقتة بالرسم من الاساس كل رسوماتة عبارة عن مقلب زبالة والمطلوب منك ساعتها انك تدقق قوى فى الصورة علشان تشوف الحشرات الزاحفة والطائرة التى تجسد واقع مقلب الزبالة الاليم
    تحياتى اضحكنى بوستك الجميل
    تسلم ايدك

    ردحذف
  6. أخى الفاضل: فاروق فهمى
    هذا معرض الوزير وليس الفنان ..وتأكد إن شاء الله عندما يترك الوزارة لن يحضر له أحد ( فاكر) نكتة كلب العمدة اللى مات....هههههه
    أنت فى مصر كل شىء سريع النسيان إذا كان المواطن نفسه منسى..يعنى فى حد من اللى حضروا فاكرين اللى ولع نفسه..واللى شنق نفسه..؟!!
    تفتكر ممكن وزير مسئول عن وزارة مثل الثقافة يكون عنده وقت يرسم 350 لوحة يعنى تقريباً لوحة كل يوم ..ماشاء الله.
    بصراحة أنا زعلان منك ..كان المفروض تعزمنى معاك أشوف لوحات الوزير العبقرية التجريدية السرسالية...
    ماشفتش هناك لوحة الخشخاش؟؟!!!!
    تقبل أخى خالص تقديرى لقلمك المشاغب

    ردحذف
  7. السلام عليكم
    أحييك على خيالك الواسع
    تتناول الأمور بشكل من البساطة والفكاهة، أعجبني كثيرا.

    ردحذف
  8. ‏^‏_^ بوست لذيذ اوي
    بس في الصميم
    يسلم فكرك الرائع
    تحياتي لك

    ردحذف
  9. رسومات فاروق حسنى غير مفهومة و مش قادرة استوعب عظمتها اللى بيكلموا عنها

    بس عموما الوزراء عندنا فى وادى تانى و خللوا مكانهم

    ردحذف
  10. استاذى اعظيم تحياتى لك والتعبيرك عن كتاباتك نصيحة منى ان تعوض اسرتك بخروجة تانية على ( النيل )ومن خبرتى للفن احب اقول ان فاروق حسنى وزير فاشل ويخفى اعمالة من خلال روسمات تقليديةخاطئة فاكر نفسة (بيكاسووووووو) وسايب البلد خرابة وبدون حس فنى دة لو فنان صح كان يعمل للبلد متحف خاص او معرض اوشىء قوى يجذب بةالسياحة ( مش كدة صح ولا اة)

    ردحذف
  11. انجى
    ميت صح وحمستاشر ، الحمد لله اللى ربنا خلصنا منهم ، تتصورى انا كتبت هذا البوست قبل الثورة زى مايكون قلبى حاسس
    مرورك اسعدنى كثيرا وساسعد اكثر لو قرأتى بوستاتى الاخيرة ستروق لك كثيرا مع شكرى وتقديرى
    الفاروق الاول الذى يسلم سلام مربع على الفاروق الثالث فرافيرو بابا

    ردحذف