الخميس، 13 يناير، 2011

خللى قلبك ورا كلبك

                                  مقدمة                                                              

الكلب من الحيوانات الثدييه وظهر منذ ملايين السنين ..ووجوده فى كل مكان..فانت تسمع صوت هوهوته فى النهار والليل فى الاماكن الزراعية والصحراويةوهو من اكثر الحيوانات انتشارا لدينا كما ان جمعية حقوق الانسان سجلت ان عدد الكلاب الضالة فى القاهرة وحدها تسعة ملايين كلب اى ان لكل اثنين من سكان  القاهرة كلبا                   


  وتتصف الكلاب بالوفاء والذكاءوفى بعض الاحيان يصل ذكاء الكلاب الى حد مساعدة الكفيف فى سيره                                                                                   ولم يخل القرآن من ذكره فهو يعطى الوفاء كله بثمن زهيد فنجد ( قمطير)- وهوكلب اهل الكهف النائم ثلاثمائة وتسعة اعوام ...المستيقظ بعدها كمن نام نصف ساعة .... وبمناسبة ماسبق ذكره عن مساعدة الكلب لصاحبه  فقد يحدث العكس بطريق غير مقصودويصل بصاحبه الى طريق الدما رولكن ارادة الله فوق كل ارادة التى لا ترضى بالفواحش ماظهر منها وما بطن وجعل من مخلوقه الحيوان ما يفضح به كل ماهو مستور ويكشف كل ماهو مجهول .................................................

وتعالوا معنا الى هذه القصة التى تؤكد ماقلناه  والاغرب ان الذى يرفض وجود الشئ عسى ان يجد فيه خيرا وكما جاء ذكره فى كتابه الحكيم فعسى ان تكرهوا شيئا ويجعل الله فيه خيرا كثيرا                                                                                

القصة                                                                                              

( امامنا اسرة زوج وزوجة حديثى الزواج ، وهما فى العقد الثالث من العمر،والزوجة ملفوفة العود طويلة القامة شقراء الشعر ( الصبغة ظاهرة على مرآه) اما الزوج فكان عكسها طولا فهو مائل الى القصر ، ممتلئ الجسم بدينا، شعره اسود فاحم اللون بغير صبغة ) كأنهما اتفقا على اختلاف وكانت الزوجة من النوع الذى يألف الكلاب وخاصة البلاك جاكيت والذى يصل ثمنهاالى اكثر من عشرة آلاف جنيها......................

ولما كانا مختلفان فى المظهر لم يتفقا ايضا قى المزاج، فالزوج كان كارها لوجود الكلاب بالمنزل بل ايضا لوجود اى حيوانات لاسباب صحية ودينية .                      

(والمظر الآن يضم الزوج والزوجة فى شقتهما والزوج جالسا على احد الكراسى الفوتيه فى مواجة الزوجة التى اعطته ظهرها وقد القت امامها علىالنضد الخشبى الصغير بعض المجلات الامريكية المتخصصة فى عرض آخر صيحات موضة الازياء النسائية  وهى مسنديرة الى النافذة وجا لسا على حجرها كلبها المدلل ، غير عابئة بوجود زوجها الذى يحاول البدء بالكلام وهى تمرر اصبعها على شعره الطويل المتدلى على رأسه يكاد يغطيه.                                                                           

الزوج: ( بامتعاص ) جرى ايه يالولا .. الا مافيه مرة دللتينى وهدهدتينى ولا حتى حسست على شعرى زى الافندى اللى قاعد على حجرك انت نسيتى انه كلب ابن كلب    

لولا : متقولشى عليه ابن كلب                                                                  

الزوج: امال هوه ابن مين فى مصر ياستى متقدميلوا يترشح وروح انتخبو عشان خاطرك أو يكمل تعليمه ويخش الجامعة  الكلابية                                             

لولا: انت بتقول فيها انا يوم بعد يوم بمرنه فى عيادات مخصوصة عشان اقدمله فى المسابقة اللى  جايه بتاعة ملكات جمال الكلاب                                               

الزوج : عشان كده بتحافظى على صحته واكله ياهانم وبتجيبى كيلو الطعام الكلابى اللىمعمول من مهروس عظام الدجاجواللحم بخمسين جنيه وكلبك ابن الكلب يلتهم الكيلو فى يوم واحد يعنى خمسين جنيه كل يوم للكلب غير الادوية والابر المغذية والمضادات الحيوية للمناعة                                                                    

الزوجه: يمكن يكسب حبيبى  شوف جماله وحلاوته دا ولما يكسب هيجروا عليه المنجينعشان يظهر فى افلامهم                                                                  

الزوج : يعنى يبقى نجم سينمائى ويظهر فى الافلام ليه هيه بقت الكلاب نجوم           

لولى : وليه  لأ انت نسيت يا اخى كلاب السينما كلب فيلم الشموع السوداء بتاع صالح سليم و الكلب روبىروبى اللى كان له دور مؤثر فى الفيلم ولا الكلبه الشهيرة لاسى بتاعة الاطفال وكمان بلوتو كلب ميكى ماوس وكمان توم وجيرى مشاكس القط والكلبه الروسية لايكا                                                                                      

الزوج : خلاص خلاص خلاص ياستى براءة انتى هتستعرضى تاريخ الكلاب  انت فكرتينى بالست اللى مخلفة لجوزها عشر عيال ورايحة تشتريله قرد                      

الزوجة :تعالى هنا انت طول النهار والليل خارج البيت فى شغلك مين هنا معايا الا هيه  حرسانى وواخده بحسى                                                                          

الزوج : خلاص يا ستى انا مش هتكلم تانى عن الكلبه بس انا ليه ملاحظة انت طول الوقت بتبقى خارج البيت وانا ساعات بكون محتاج اوراق من المكنب هناولما ببعت الساعى بتكونى مش موجودة                                                                   

الزوجة : انا بخرج باستمرار انا وبوسى عشان الكلبه تقضى حاجتها فى الخلاء ولا تعرف تعمل حمام بالبيت                                                                           (بعد حوالى يومين وافق الزوج على طلب زوجته بالسفر لقضاء يوما بالاسكندرية لزيارة والدتها المريضة وتركت كلبتها بوسى لزوجها على ان يعود للمنزل فى وسط النهار لكى تقضى الكلبه حاجتها خارج المنزل ....  .....                                  

وفى يوم سفرهاعاد الزوج الى المنزل من عمله كما طلبت وسحب  الكلبه خارج المنزل لكى تقضى حاجتها ، وكانت دهشته عندما شدت الكلبة السلسلة بشده الى خارج حدودسكنهم واخذت تشد وتشد وتابعها الزوج بتعجب شديد ، الى ان وصلت الى فيللا لا يعرف ساكنيها  وانسلت السلسلة من يده  ودخلت الفيللا واخذت تنبح بصوت عال ورد على صدى نباحها كلب آخر من فصيلتها  وجرى عليها وتقرب منها بالشم مرة

والمداعبه بالاخرى واندهش الزوج من هذا التهليل والترحيب بينهماكأنهما على معرفة قديمه وجرى الكلبان داخل مدخل الفيللا وتابعهما الزوج باندهاش وتحول الاندهاش الى صدمة غير متوقعة فقد وجد زوجته التى ادعت سفرها بالاسكندرية بقميص النوم شبه عارية فى احضان رجل آخر.                                                                                                                                    

هناك 9 تعليقات:

  1. ما هو يا يجبهالك يا كلبك يا ولدك
    وفي حالة الست دي جبهالها كلبها هههههههه
    قصة جميلة يا فاروق وفيها خفة دم
    وبتثبت ان الرفق بالحيوان بيكون له سلبيات برضه زي بطلة القصة اللي ماهتمتش بجوزها قد ماهتمت بكلبها
    قصة جميلة بتسلط الضوء علي التفكك الاسري اللي بقي مالي البلد اليومين دول وان كل واحد في الاسرة في وادي محدش يعرف التاني بيعمل ايه
    تحياتي وتقديري

    ردحذف
  2. قصة جميلة جدا

    تحياتى وتقبل مرورى

    ردحذف
  3. يعنى كلبلها حبيبها كان سبب فى كشف فضيحتها ههههه
    تستاهل والله ..قعدت تهتم بالكلب ونسيت جوزها ولا يمكن علشان الكلب احلى منة
    فعلا صدق اللى قال الخيانة عمرها ما تستخبى
    قصة جميلة ودمها خفيف واخرها مفاجئة مضحكة
    تحياتى لك يا اجمل قصاص

    ردحذف
  4. ودي نهايه كل خائن
    وعلشان الكلب وفي
    فهو يكره الخيانه
    حتي من صاحبه لحبيبه
    قصه في منتهي الجمال وفيها عبره
    واسلوبك في منتهي الروعه والجمال
    وهذه من أحسن القصص
    التي قراءتها حتي الان
    نشكرك عليها ولك مني
    كل الاحترام

    ردحذف
  5. أعجتنى مقدمتك التعريفية التى سبقت أحداث القصة....
    كان واضح بين السطور إن فى مقدمات ودلائل تشير إلى أن هذه المرأة سوف تخون ..بحثاً عن النواقص فى الزوج...
    ولكنه ليست مبررات الخيانة استعداد فطرى لدى كل خائن

    قصة جيدة وأسلوب متميز
    تقبل خالص تقديرى واحترامى
    وبارك الله فيك وأعزك

    ردحذف
  6. طبعا الخيانة جريمة قوية، ولكن للنظر إلى طريقة تعامل الكلب مع أنثاها، نجد أن هناك مودة ولطف، هل حاول الزوج أو الزوجة الخائنة أن يفعلا ذلك مع بعضهما، هذا دليل على أن الكلب أشد وفاءا من مثل هذا الجنس البشري..
    للقصة بعد أخلاقي جميل سعدت بها كثيرا، كما سعدت بوجودي هنا.
    شكرا لك.

    www.hams-rroh.net.tc
    www.adwae.net.tc

    ردحذف
  7. قصة جميلة ذات اكثر من معني وهدف
    تسلم ايدك
    تحياتي لك

    ردحذف
  8. هههه حلوه أوي دي غبيه فعلاً مخدتش بالها ان الكلب عايش قصة حب هو كمان
    تحياتي ليك جميله كالعاده

    ردحذف