الخميس، 8 ديسمبر 2011

تـــــــــــــــــــــــــانى باب الشعــــــــــــــرية



آه ثم آه وآه ياباب الشعريـــــــــــــه
ياام الأنس والمحبة والشعبيــــــــــه
حنينى يا حبيبتى دائم يا سمسيـــــــــه
وانتى بتضّمك العتبة والعباسيــــــــــه
تركتك وتركت فيكى الطفولة العفويــه
فين صبايا عندك وقوتى العفـيــــــــــه؟
وكمان شبابى وفتونه الغزليــــــــــــــه؟
وذهبت بكبرى العاجز للمعاديـــــــــــــه
معادى لا بتعدى وحياتى فيها منسيـــــــه
بناتى بيعيطوا جنب المعديـــــــــــــــــــه
عاوزين يرجعن ليكى ياعشــــــــــــــرية 
وابرهيم رزق فايت يهدّى بمعزيــــــــــه
اشتقت لفولك الكهرمانى والطعميـــــــــه
والبسبوسة والكنافة والغرّيبه والمهلبيــــه
وآذان الفجر من قبة الشعرانى العليـّـــــه
ووحوى ياوحوى فين بقى العديـــــّـــــــــه
ملاليم قليلة كان ليها سحر المليـــــــــــونيه                       حواريكى لعبت فيها البلى والكورة الشرابية
فيكى حاجة حلوة حاجة دافية فيكى انـــــــــّه
صور يا زمان باب الشعربية جنب المدوّنتيه
الفاروق













هناك 69 تعليقًا:

  1. الفاروق الجميل
    ملك الزهرات
    و ابن بطوطة المدونين


    الللللللللللللللللللللللللللللللللللللله
    على احلى كلام و على احلى منطقة
    باب الشعرية
    يعنى باب الادب
    يعنى باب الجمال
    يعنى باب الاصالة
    يعنى باب العراقة
    يعنى باب النصر
    يعنى الشعرانى و ابو محمد و وادى النيل
    يعنى منبت الفن الجميل
    يعنى عبد الوهاب و محمود المليجى
    يعنى الناس الحلوة الطيبة
    يعنى السبوع و الاراح و اللياتلى الملاح
    يعنى قعدة على الصبح على قهوة و شاى بحليب
    يعنى جمال الناس و طيبتهم
    يعنى الحوارى العتيقة
    يعنى بنت الحتة و الجيران الحلوة
    يعنى الفول و الطعمية السخنة اللى معمولة فى الحجر
    يعنى الفول النابت و العدس السخن فى ليالى الشتاء
    يعنى صلاة الفجر
    طبق رز بلبن عند حبشى على الصبح
    يعنى و يعنى
    معادى مين و الناس نايمين
    الله يرحمك يا جمال يا حمدان
    شخصية مصر فى المناطق دى يا استاذى
    اما المناطق المرسومة الرحاب و دريم لاند و اندلسية و غيرهم دى مدن مثل لوح جميلة مرسومة لكن بدون روح
    و الروح دى من عند ربنا مهما يعملوا سيعجزوا عن وضعها

    تحياتى لك و لباب الشعرية

    ردحذف
  2. صباح الفل والياسمين
    يا استاذ فاروق
    لا املك كلمات للتعليق
    املك ابتسامة فرح كبيرة لرجل يحمل لمصر...حبا لا يوازيه حب ...
    املك دمعة نزلت وانا أقرأ كلماتك

    املك ان ادعو الله بان نلتقي يوما في حواري مصر وناكل سمسمية وهي تنعم بالفرح والاستقرار

    دمت بخير

    ردحذف
  3. اه يااستاذنا

    محدش مستريح في حياته

    اللي في باب الشعرية عايز يروح المعادي

    واللي في المعادي عايز يروح باب الشعرية

    بص يااستاذنا

    الاحياء الشعبية مبقتش زي زمان

    فقدت كتير من جمال اهلها

    الناس مبقتش تحب بعضها زي زمان ولاتساعد بعض

    تحياتي يااستاذنا

    ردحذف
  4. :)

    حسانى شبه السواح لما بتقولوا اسامى مناطق فى القاهرة

    فى يوم هاخدكم سياحة للمنصورة يا استاذ فاروق:)

    صباح الخيرات

    ردحذف
  5. ما شاء الله عليك يا استاذ فاروق
    قصيدة جميلة وكلمات رائعة

    لا حرمنا الله ابداعاتك
    بالتوفيق دائما

    ردحذف
  6. واه اه من كلامك يا ستاذي
    بيرن في وذاني
    زي كلام الست لما تنادي
    وقف الخلق ينظرون جميعا
    كيف ابني قواعد المجد وحدي


    سلمت انامل
    تحياتي

    ردحذف
  7. الله يا بابا الله عليك
    والله كلماتك جعلتنى اضحك واسعد وابكى واحزن فى وقت واحد
    احزن لانى تركت حى باب الشعريه والدوشه والناس ..والدفء والحب ..الكلام العفوى اللى بيطلع من القلب ..صحيح كنت صغيره ولسه فى المدرسه بس طفولتى وحياتى اترسمت هناك ..والمعادى كانت بالنسبه لى شىء عادى بل اصبت بنوع من الاكتئاب نظرا لانها منطقه هاديه بلا روح
    وفرحت بكلماتك لانك فكرتنى بذكريات حلوه عدت عليا لكن عمرى ما نسيتها ولا حنساها
    بابا فاروق يا ابن باب الشعريه اجدت جداااا فى وصفك لهذه المنطقه الشعبيه وكأنك رسمت بيوتها وحواريها وشوارعها بكلماتك الجميله ووصفك الرائع
    واخيرا اهديك اغنيه لعدويه
    يا بتاع باب الشعريه انا دايب دوب فى هواك
    ههههههه تحياتى لاطيب بابا فى الدنيا

    ردحذف
  8. عادي في المعادي
    وكذلك في باب الشعريه
    يمكن بحن ليها لان فيها ذكريات طفولتي
    لكن المعادي اصبحت بالنسبه لي الآن الهوا
    والماء..ماتزعلش يا بابا
    وانا عندما تزوجت وسكنت في مدينه نصر
    كانت بالنسبه لي سجن ولم افق الا عندما عزلت
    ورجعت مره اخري الي المعادي ومن يسكن في المعادي
    من الصعب ان يتآلف ويتكيف في منطقه اخري
    مساءك طيب ابي

    ردحذف
  9. أحببت النص ...
    رغم أنني بصرآحة شديدة ،
    امممممم
    لم أستطع فهم النص كاملا !
    أأسف لذلك !

    لكنه نص جميل و أحببته !

    تحيآتي لكْ ...

    ردحذف
  10. السلام عليكم استاذى الغالى فاروق

    ادمعت عينى وتأثرت بكلماتك
    تعرف استاذى الكريم ياريت ماتزعل منى لو قلت لك انها اجمل الف مرة من قصيدتك فى جدارية من اجل الوطن
    ولو كنت نشرت القصيدة دى اكيد هتفوز بها

    قصيدة حب الوطن رائعة لكن هذه القصيدة فيها (( انه )) فيها روحك وماضيك وذكرياتك وطفولتك وبراءتك وشبابك فيها (( أنت )) اللى حاير بين شوارع المعادى الهادية الخالية من العنفوان والحركة وبين باب الشعرية اللى بلون شمس الصبحبة وريحة الفول والطعمية وريحة البمب فى نهار العيد و صباح الخير وهتصلى فين النهاردة و ابنك عامل ايه النهاردة يا أم .... يااااااااااااااه يا استاذ فاروق

    انا لفيت المناطق دى كلها وقت الجامعة طبعا انت عارف اسلوب الدراسة الخارجى اكيد ...كنا بنلف على رجلنا اكتر من 6 ساعات كل يوم علشان نرسم وجوه الناس وتعبيراتهم
    من باب الشعرية والقلعة ومصر القديمة بأبوابها اللى حفر الزمن عليها تاريخ وامجاد

    استاذى العزيز كلماتك اكثر من رائعة واللى بين السطور اجمل وارق اللى يشعر به اللى مر أو عاش فى مناطق زى باب الشعرية ومصر القديمة بسحرها


    هديتى اليك ارجو ان تقبلها/


    http://bloggers.rigala.net/t352-topic#1463

    ــــــــــــــــــــــــــــــــــــــــــــــــ


    http://img339.imageshack.us/img339/5315/cooltext605779936.png

    اذا اردت استخدام الصورة فى مدونتك اذا اعجبتك ضفها بدون اضافة احتواء مناسب

    تحياتى لأستاذى الكريم فاروق المدونين

    ردحذف
  11. أستاذى العزيز,,

    شرفة هذة المدونة ونافذة كلماتك مميزة
    تطل بنا كل يوم على ما تحب أعيننا رؤيته..
    واليوم كانت الأطلاله من شرفة كلماتك إطلالة
    رائعة أحب بلدى كثيراً وأحب دائماً أن أراها
    فى أحسن صورة وما أجملها من صورة شاهدتها هنا..

    سطرت أناملك لنا هنا وطنية حقيقة
    نابعة من أحساس مرهف وحب صادق
    ومشاعر دافئة وروح نقية..

    دمت بذلك القلم المميز وبذلك الإبداع
    وبصحة وبخير وسعادة..
    ودامت لنا مصر سالمة من كل مكروه وحفظها الله لنا.

    تقبل مرورى .. روزى

    ردحذف
  12. يا سيد الناس باب الشعرية فيها اجدع ناس
    هى اللى اتربينا فيها وعشنا على خيرها وفيها تمثال
    لأعظم موسيقار فى التاريخ (عبد الوهاب)
    و فيها منبعى و اصلى و جزورى وعائلتى العريقه
    هى منبع كل شئ موجود الان فى مصر انما بالنسبة الى سيد الناس (فاروق فهمى) فهو من مؤسسى باب الشعرية و من اتربوا فيها وعاشوا على افراحها و احزنها والقول لك يا سيد الناس انت احببت باب الشعرية فباب الشعرية حبتك كما احببتها اما المعادى فهى من العصر الحديث و التغيير و الرقى المطلوب فى عصرنا هذا ادعو الله لك بدوام الصحه و العافية.

    روميوووووووووو

    ردحذف
  13. الاب الروحى تحياتى لك ما اعظم هذة الكلمات واحلاها بالنسبة للباب الشعريةهى كل حياتى الانها بتفكرنى بالطفولة الجميييلة التى عشتها واللمة الحلوةفى الافراح والموالد والاعياد والله كانت احلى ايام اما بالنسبة للمعادى فعشت فيها بقيت حياتى ايضا روحىفيها والله لما طلت منها كان سمكة تلعت من المية ونفسى ارجعلها(تتتتتتتتتتتتتتتتتتتانى ) وانت مبدع وادينى كمان وكمان

    ردحذف
  14. جميلة باب الشعرية بكلمات حضرتك الرائعة

    ردحذف
  15. مساء الغاردينيا بابا الفاروق
    بجد ابتسمت من قلبي انا صحيح سعوديه ورغم زيارتي لمصر وانا صغننه
    بس مش فاكره باب الشعيريه بس اكيد مكتن جميل من وصفك لبساطة المكان
    والناس ودا الي بحبه التواضع والبساطه وروح الناس والألفه الي بتبقى دايماً
    موجودة في الأحياءالشعبيه بالذات
    وكفايه انها قصيدة زادت جمال بأسم الغالي علينا جميعاً
    الرائع ذو الروح المرحة والقلب الطيب ابراهيم رزق"
    ؛؛
    ؛
    لروحك عبق الغاردينيا
    كانت هنا
    Reemaas

    ردحذف
  16. مساء الجمال والدلال على الفنان الاحساس ابى العزيز انت ولى معاك اعجبتنى وصفك الجميل وكتاباتك عن باب الشعريةوانا عرفة ان باب الشعرية لها معزة خاصة وانا كمان وبحب ايضا المعادى الانها بتفكرنى بالمريكا التانية وسواءهنا او هناك هم حلوين طلما انت فيها بنتك انجى

    ردحذف
  17. باب الشعرية وكل مناطق مصر الشعبية هي مصنع الرجال الحقيقي
    وكل تلك الشوارع والحارات هي قطع من ارواح المصريين متخفية داخل بيوت واعمدة انارة ومحلات وطرقات
    هناك روح مصر الحقيقية المبهرة
    دوما مبدع استاذي العزيز اعشق اشعارك التي تعبر عن قلب مفعم بالحب والوفاء والمشاعر الانسانية
    تحياتي

    ردحذف
  18. استاذي العزيز اجمل بابا فاروق
    الله علي احساسك الرقيق
    ووصفك للمكان
    بجد حبيته من غير ما اشوفه
    واشتقت جدا ازوره
    انا اسكندرانيه بس بموت في اي حاجه بسيطه
    بجد اجمل ما في الحياه هي البساطه ورضي النفس

    احييك استاذي الجميل

    ردحذف
  19. و كم منزل في الارض يألفه الفتى
    وحنينه ابداً ل باب الشعريه

    استاذي العزيز
    اشاطرك الحنين والشوق لحارتي القديمه وجيراني وحبايبي ومدرستي ...اعدتني لايام غاليه على قلبي و ذكريات محفوره في نفسي.

    ردحذف
  20. كلام رااائع بجد ..شكرا لك استاذ ..
    مع تحياتى
    نور

    ردحذف
  21. كلمات بتدخل القلب بكل ما فيها حزن وفرح و اشتياق

    ردحذف
  22. كلمات أكثر من رائعة ....حزن وفرح واشتياق ...

    دومت مبدعا

    ردحذف
  23. اختيارك لاختيار لموسيقى فتافيت السكر
    كان احسن اختيار
    مساءك عسل

    ردحذف
  24. حبيب الملايين والمليوتات العريق الاصل الشعبى الابراهيمى
    انا اختصتك بالذكر لانك فى الحقيقة قريب من هذا الحى وتعرف ناسه الآن اكثر منى
    وفعلا كما قلت يا ابراهيم اذا بعدنا عن هذه الاحياء سنجد كما قلت لوح مرسومة بون روح ولا حياة

    ردحذف
  25. أ-يوسف
    دموعك غاليه عليا يا يوسف وقطرة منا اغلى من كل الانهار والبحار لأنها تسقى كل وجدان وتروى كل المشاعر
    دامت لى محبتك ووصالك

    ردحذف
  26. سواح
    فعلا ما حدش مستريح لابرد الشتا يدفينا ولا حر الصيف يبردنا....... وهكذا دواليك فى كل حدب وصوب
    لااستطيع الرد الا بسبحان صاحب الدوام خالق الخلق سبحانه
    اشكر دائم مرورك وجمايلك عليا

    ردحذف
  27. ريماس
    اهلا بالمنصوريين واهالى النصورة الكرام
    اهل الفن اهل الاشادى اجتمع فيكى
    يامنصورة قمم الغتاء والجمال والكمال
    دى معلومه عرفتها وارجو ان يعمل حسابها ابراهيم رزق لما ييجى يغنى بتعليقاته انا متابعه كويس هههههههههههههههههههههه

    ردحذف
  28. اسامه
    سؤال محيرنى قوى وشاغلنى ياحبيبى
    لماذا مسحة الشجن فى كتاباتك الاخيرة سلامتك وسلمت لنا جميعا

    ردحذف
  29. شهــــــــــــر
    "وقف الخلق ينظرون جميعا
    كيف ابنى قواعد المجد وحدى"
    وانا وحدى اقف امام كلماتك التى بنيتها من عظم احساسك ونبل مشاعرك
    لا املك وانت بعيدة عنى بعد المسافات الا ان ارفع يدى بالتحية مشفوعة بالسلام العربى المغربى

    ردحذف
  30. هبــــــــــه
    وهتقولى ايه يا هبه غير كده
    يا ما كنت ابحث عنك وانت صغيرة فى حواريها تلعبى استغماية مع اترابك نسيتى يا هبه؟؟؟؟؟؟؟؟؟؟؟؟؟؟؟

    ردحذف
  31. كارولين
    اطلعى من دول ياكارولين
    انت لسه بتقوليلى من مدة قريبه مش هتروح معايا يا بابا الحى أسلم على صحباتى

    ردحذف
  32. dodo
    باب الشعرية هو احد الاحياء الشعبية الشهيرة فى القاهرة يحدها شمالا ميدان العتبه وجنوبا ميدان العباسية ويمينه المقطم ويساره الجمالية الذى يضم المسجد الحسينى هذا من ناحية الموقع اما من ناحية شعبيته وشهرة ناسه فيكفى انه مولد الفنان عبد الوهاب والريحانى ومحمود المليجى ومن الساسة العظام مصطفى النحاس باشا رئيس وزراء مصر السابق ايام المليك الفاروق ................................
    وللكلام بقية لا تتحملها صفحات وصفحات
    ودمتى

    ردحذف
  33. غير معروف
    لم استطع التعليق حيث ما جئت به خارج موضوعى
    وان كنت استفدت بما تضمنه من معلومات
    شكرا

    ردحذف
  34. ليلى ام هريرة
    هديتك مفاجأة سارة لى ولهبه وكارولين
    اسرعت بتقبلها سرعة تقبل مدونتى لها
    لم يفكر اقرب اقربائى فى رداء جديد لها
    وكان التفكير والجميل منك أنـــــت وكيف لا يصل الخير منك؟؟؟؟ وانت الاخت الكريمة والزميلة العزيزة فاقت معزتها كل معزة وتقديرها كل تقدير

    ردحذف
  35. rozy
    أهذا تعليقا او بوست مديخى يا روزى أحكم اعداده وسويت كلماته وسطرت بعناية حروفه؟؟؟؟؟؟؟؟؟؟؟؟؟؟؟
    شغلتك فكرا واستقطعت وقتا لهما عندى كل التقدير والمحبه
    انا فخور بمدوناتنا وهى هاهنا تضم اكرم النفوس واوسعها فضلا

    ردحذف
  36. روميووووووووووو
    عرفتك من اسلوبك الشيق ودمك الخفيف يا روميووووووووو انت رووووووووووووووووم
    وشكرا على متابعتك لاعمالى واهتمامك بالتعليق

    ردحذف
  37. روميووووووووووووووو
    اعود لعودتك
    سلمللى على جميع الاحبه يا رامـــــــــــــــــى
    شوف انا علرفتك ازاى
    اكرر شكرى وامتنانى وخللى اخوك نادرالنائب النيابى يتابع اعمالى يهمنى رأى الوكلاء

    ردحذف
  38. ابنتى الخامسة ريماس
    اعذرك لعدم المامك بمعلومات عن هذا الحى وكان يجب الاشارة مقدما الى تعريفه الا اننى استسمحك بالرجوع الى ردى المقتطب على تعليق hony ربما فيه بعض الايضاح
    وقد بلغت ابراهيم رزق هاتفيا ارتياحك لذكره فى البوست
    اكرر شكرى وتقديرى لمرورك الساطع

    ردحذف
  39. انجـــــــى
    ابنتى وديكورة حياتى
    كبف ارد على عطفك عليا الا بقبلات على جبينك الغالى يا ابنتى العزيزة

    ردحذف
  40. سيــــــــــــــــف
    كما قلت ياسيف هذه الاحياء الشعبية هى مصنع الرجال الحقيقى
    ونحن ايضا فخورين بك يا ابن جنوب النيل فانت تشرب منه قبل ان تطوله شفانا

    ردحذف
  41. استسمحكم باننى ساوالى الرد على تعليقاتكم التى ازكت البوست روعة وجمالا تباعـــــــــــــــــا

    ردحذف
  42. ياسمين
    شكرا معظم على مرورك المشرف مع خالص تقديرى واعزازى

    ردحذف
  43. مساء الخير
    كلام رائع وجميل بجد..
    شكرا لك
    تحياتى لك
    ياسمين

    ردحذف
  44. مساء الجمال والاصاله الراقية استاذنا

    ما اجمل ان يتغنى الانسان بمكانه الذى نشأ فيه واحبه وقضى شبابه وعنفوانه بين ربوعه

    احسنت استاذى ما خط يمينك

    احترامى وتقديرى

    ردحذف
  45. ساســــــــــــــوالاسكندرانية
    انا عن نفس عشقت اسكندرية لما شفتها وعشت فيها بعض الوقت ولى فيها مكان اتردد عيه فقط فى فصل واحد من فصول السنة لكى انفصل عن هموم واقعى
    انما انت اشتقت لباب الشعريه قبل ان تراها عينك انا عشقت اسكندرية من عينى وانت اشتقت لباب الشعرية بقلبك ...تفرق كتير كتير كتير ........

    ردحذف
  46. نيســــــــــــــــــان "وكم منزل فى الارض بالغه الفتى وحنينه ابــــــدا ل باب الشعرية
    تلخيص بالغ ناطق عالم بحالى وغنى عن سؤالى
    فيه حنينى وانينى فرحى وبكائى
    باب بيتك الشعرى فتح كل ابواب ذكرياتى التى عطفت بخيالى رؤية العين الناظرة الى واقع ولىّ ورحل ورحل معه امور قلما اجدها فى واقعى فآثرت ان اجدها بعين الخيال
    اكثرى من ابياتك يانيسان ففيهايقينى و خلدى وبقائى
    الفاروق
    الفاروق

    ردحذف
  47. نور القمر
    كلما رددت مسماك تردد فى اذنى صدى رنين صوت عمرو دياب " قمرى انــــــا "
    كم احب واعشق هذه الاغنيه احساسه فيها ظاهر وباهر
    دمت للفاوق ياتور قمرى انا
    الفاروق

    ردحذف
  48. سكر زياده
    وهل يحتاج سكرك الى زياده
    حلاوته زادت وعدت
    طعمه مستمرا فى حلقى طوال يومى تهارى وليلى
    سعدت بالسكر وكده كتير وزياده

    ردحذف
  49. صاحبة السكر الزيادةةةةةةةةةةةةةةةةةةةةةة
    عدت بعودتك وكنت راجع طبيعى وهل استطيع بعدا عن سكرك وزيادته

    ردحذف
  50. هبـــــــــــــــــــــــــــه
    ماهيه انتى وهوه انا اللى طلبت وانتى اللى لبيتى شكرا على الاجابه وعذرا على تأخير ردى عليكى
    ابوكى الفاروق

    ردحذف
  51. رحيق الورد
    الروعة منك والجمال يتسب اليك
    شكرا على المرور المعطر برائحة الورد المزهر

    ردحذف
  52. بسمة الورد
    الورد منك غار بسمتك غطت على طلّلته
    يروح فين جنب طلعة بسمـــــــــتك

    ردحذف
  53. الأخ الحبيب / فاروق

    لا أعرف أجابة شافية عن سر حنين معظمنا للماضى

    يبدو لى دائما أن الماضى هو الأفضل

    وأننا نعيش حاليا فى عصر أفضل من القادم

    كنت دائما أسأل نفسى على من ألقى اللوم

    الزمن أم البشر ؟؟؟

    يبدو أن الأفضل دائما هائم داخل الذكريات

    كل الشكر لشخصكم الكريم على رسم هذة الصورة الرائعة

    أستمتعت بما كتبت

    دمت بكل الحب

    تحياتى

    ردحذف
  54. ما أجمل أن يشعر الانسان بالحنين لمرتع الطفولة .. فالذكريات عالقة هناك على جدران البيوت القديمة المهترئة .. الله الله . . على تلك الأيام ..

    ردحذف
  55. الفاروق الغالي ..
    قصص الشقاوة بتاعتي ابتدأت .. اعمل زيارة لمدونتي وشاركني .. ده حتى أنا سميتها قصص قصيرة زي حضرتك يعني .. يمكن يكتروا زوار مدونتي .. هههههههه

    أنا باعتذر علشان أنا مقصر معاك شوية بس النت في البيت بطيء ومش بيديني فرصة التعليق عند حضرتك ..
    مع اتحية الطيبة ..

    ردحذف
  56. days and nights
    اولا اتقدم بخالص شكرى وامتنانى لزيارتك المشرفه
    اذا دخلنا فى موضوع حنين معظمناللماضى بالرغم اننا نعيش حاليا فى عصر افضل من الماضى
    ورايى الذى اعتقد انه لا يخالف رأيك ان المسألة ليست فى التقدم التكنولوجى ولكن فى الغياب الروحى
    نفوسنا تسير من سئ الى اسوأ
    وانا اشبه هذا الوضع عندما نتناول اى مشروب او طعام فاننا لا نشعر بقوة تكهته الا فى الرشفة والقطمة الاولى وبعدها يصير الامر كما لم يكن كات
    شرفت حبيبى واضفت ما فاد

    ردحذف
  57. عطر البنفسج
    لازلت تصرين فى مسمى وجع البنفسج بالرغم ان الاوضاع السياسية فى فلسطين الحبيبه تسير فى طريقها الى الأستقرار بفضل تكاتف ابنائها المخلصين المجاهدين .. حقا غزة غزةمن عزة العرب جميعا وفققكم اله الى مافيه الخير اختى

    ردحذف
  58. ظلالى البيضاء
    طالما يا محمد ان الموضوع فيه شقاوووووووووووووووه ساخطف عجلة يد من العيال الوجود صورتهم فى البوست واجرى عليك
    وتسميتك لها قصص قصيرة دا شرف ليا وان اشاء الله قصرها سوف يطول على ايديك واوعى تنسى تعزمنا على فرحها
    ربنا يا محمد يفرحك ويسعد ايامك

    ردحذف
  59. الله عليك يا استاذ فاروق بجد كلام تحفة
    انا اصلا والدي ووالدتي من باب الشعرية و الضاهر دايما بيحكولي عنها بس للاسف انا مشفتهاش
    كلامك صورلي كل حاجة فيها و شوقني ليها اوي
    سلمت يداك :)

    ردحذف
  60. على فكرة انا قريت الكلمات الحلوة دي من امبارح بس كنت باجمع كلمات تليق بهذا الحب للمكان الذي لا يكابده الا من عاناه وانا مازلت حتى الآن اهوى شبرا كما تهوى حضرتك باب الشعرية..وحنيننا لأيام الطفولة والشباب لاينقضي ..ولقد احببت باب الشعرية من كلامك عنها ويكفي انها انجبت فلاناً وفلاناً وانجبت الفاروق حبيب الكل ربنا يخليك لينا دايماً يامن تعلمنا معاني الحب الجميل ..زينب

    ردحذف
  61. شكرا يا زوبه شكرا يا زوبتــــــــــــــــى
    دوبتيتى يازوبه بتعليقك الجبار جبار جبار يا ترى هقدر ارجع تانى لحالتى الطبيعية
    بتمنى يكون ده حسن ختام التعليقات لأنه احسن الى مشاعرى وختامه مسك المسك
    شبرا يازينب على بعد خطوتين من باب الشعريةيا سعدى ياهنا ،يعنى هنخدها مشى ونعدى كوبرى باغوص وشارع رمسيس ونمر ع الفجالةوشارع الحمهورية ونجيب الريحانى وشارع كامل صدقى ونخش بعد كده ع البغالة ومنها لباب الشعرية وصفه خفيفة وهايلة بتلات تعريفه ونكله
    خلاص هنغتى سوا سوا يالله سوا
    انتظرى بوستى القادم
    "تعالى يالله فى غمضة عين لاتقول دقيقة ولا دقيقتين " سمحينى ماقدرتش اقول اقل او اكنر من كده ولو انك تستحقى اكتر واكتر من كده
    الفاروق
    الفاروق

    ردحذف
  62. افكار مبعثرة
    انا آسف لعدم الترتيب اللازم والعيب يسأل عنه قصر نظرى
    وسعدت كثيرا والدك ووالدتك من باب الشعرية والضاهر يعنى احنا ولاد حته واحده وماحدش يقدر ييجى جنبى واللى ييجى هيكون مسيره البعثرة من افكارك طبعا
    والله انا سعيد جدا بهذه الجيرة السعيده ونسب والديك ينسب اليكى
    ولا انسى تحريرك لمشاعرى فى نظمى عن تشيد النشيد
    اكرر اسفى واعتذارى وانحنى لتشريفك لى
    الفاروق

    ردحذف
  63. أستاذي الفاروق
    لا يجب عليك الاعتذار استاذي فانا اثق في ذوقك و ان ذلك غير مقصود تماما :)
    انا يسعدني تلك الجيرة اكثر طبعا و اي حد هيجي جنبك هوريله و هاطلق عليه افكاري و مش هسيبه :)
    و زادني شرفا ان اكون سببا في تحرير افكارك :)))))
    تحياتي لذوقك

    ردحذف
  64. والبسبوسة والكنافة والغرّيبه والمهلبيــــه
    وآذان الفجر من قبة الشعرانى العليـّـــــه

    وصف جميل جميل جميل جدا وجدا وجدا جعلتني اتخيل جمال المنظر الممزوج بصوت الاذان
    دمت ودام ابداعك

    ردحذف
  65. افكار مبعثرة
    انا دلوقتى اطمنت على نفسى
    لما اروح باب الشعرية اوريهم الكارتيه المختوم بافكارك المبعثرة هيتبعتروا على طول
    ميت الف شكر يامعلم

    ردحذف
  66. senora
    اشكر ثناءك وبهاءك فى مدونتى
    صحيح جه شوية متأخر بس حلاوته ان ختامك للبوست ختام المسك المعطر يامســـــــــــــــــك

    ردحذف
  67. العزيز الفاروق
    قامت هبه كريمتكم بترشيح هذه التدوينه "تاني باب الشعريه" عن التدوينات الاجتماعيه وتدوينه أدون وطني خربشه جديده عن التدوينات الوطنيه...موافق على ترشيحهم يا استاذي؟

    ردحذف
  68. موافق وقبلها اشكركم على الاهتمام وهذا تفضل كبير منكم
    مع الشكر

    ردحذف