الجمعة، 30 ديسمبر 2011

يا بتاع التفاح لون تفاحك راح فى خدود ست الكل

الليلة هى ليلة الحادى والثلاثين من شهر ديسمبر عام 2011
سوف تفسح المكان مجبرة بعد منتصف ليل الغدلفجر اليوم الاول من شهر يناير 2012 لفجر اليوم الجديد من العام الجديد
وانى احادثك ياهذا العام لاتجعل اشهرك تقسوا علينا ، وانت ايتها الاشهر لا تجعلى ايامك تعصف بنا ، وانت ايتها الايام اجعلى دائما فجرك مشرقا بالخيروالبركات 
     ياعام 2012 لاتواخذنا بما فعل بعضنا من اساءة الى زميلك العام الماضى من سب واساءة فنحن غلابة ولا نتحمل مفاجآت  ذلك العام بالرغم من ايجابياته فاعذرنا اذا ركزنا على سلبياته 
    ياعام 2012 كن رحيما بنا وحاول ان تعوضنا بما اصابنا من قسوة زميلك 2011
    ياعام 2012 شوية حنية لامنا مصر وكفاية بهدله فيها ورجع فرحتها باولادها وبزعامتها وشموخها و بمجدها ودورها التاريخى العظيم 

    ياعام 2012 لا تحرمنا من لقمة خبز طرية مع حتة لحمه مشوية اللى بناكلوها بس فى اعيادنا 
     ياعام 2012 ارزقتا برئيس أب يحضنا ويحمينا ويكفينا شر اعداءنا 
     ياعام 2012 رجع ميادينا لسابق عهدها المجيدبعد ان اختلط المفسدون بالمفيدين  واجعلها كما كانت  تمجد تحريرنا وتعصمها  من كل مكروه ودخيل 
     شوف انا فتحتلك قلبى ازاى ياعمنا ياعام 2012 وانا فرحان وهغنى وتغنى معايا حاجة من الفلكلور الشعبى اللى كان بيتغنى فى سنوات زمايلك ايام الزمن القديم مش هقول جميل لان ايامك الجايه هتكون اجمل منه 
الغنوة دى انا بقولها ياعام 2012 لما اكون مبسوط وفرحان  ...          هيّه من غناء البلبل الصداح عبد الغتى السيد ومن كلمات ابو السعود الابيارى من فيلم شارع محمد على من انتاج عام 1944 والغنوة يا عام 2012 بتقول 
      ولا ياولا ارحمنى يا ولا والنبى يا ولا ياواد يا واد ياولا
ضحكة سنتها ياولا بتزيد القلب لهيب وايدينها ياوله بياضها دا لبن صباحى حليب 
وايديها ياولا وعنيها يا ولا كلها ياولا آه ياولا يا ولا والنبى ياولا
يا بتاع التفاح لون  تفاحك راح فى خدود ست الكل 
يا بتاع الياسمين مين يندهلك مين واحنا معانا الفل 
يا بتاع الرمان رمانك غلبان رد علينا وطـــــــــل
دى حورية يا وله دى لولية يا وله والنبى ياولــــه
آه يا ولا يا ولا .. ماتقولشى عليه مجنون ماهو انا دلوقتى على المعاش  ومعاشى مش من المدونين عشان كده انا واخد راحتى على الآخر وبجيب من هنا ومن هناك عشان خاطرك يا عامى المجيد
       
       وعشان ترضى عنى باعتبارى ممثلا لجميع المدونين بعد اذنهم وتزيد ثقتك بفرحتنا بقدومك هقوللك شوية قطوف من اللى خبرتها من اسفارى فى شرق الدنيا وغربها تعالى تعالى معايا مع اعتذارى للحروف التى كان يجب تحريرها capital
December never felt so wrong..cause you are not where you belong >> inside my arms
-Your face I see in every reflection
-We were meant to be .. me and you ;--I see your face in every sunrise..you are beautiful--
-I know that I will  be in your dream to-night  all I wish is  that you were here with me on my birthday. may you go back in safety
I know I will see you again whether far or soon
  --Not to be hungry for a fight  -sadness or mourning I will not let you win
I may not say it quite as much as I should but when I say I love you means forever 
Heaven knows what the future holds or at least how the story with you  goes
Sure I will be here when you come  as soon as  possible
اظن كفاية عليك كده وروّق بقى اقول اكتر من كده ايه وانا فى انتظارك هلليت 
وكل عام وحضراتكم جميعا بخير 

هناك 49 تعليقًا:

  1. happy new year my father
    i hop every one are happy
    and i m sorry because
    i m very busy and absent
    in comments to many people
    god evening
    caroline

    ردحذف
  2. عمنا فاروق فهمي

    كل سنة وانت طيب وبخير يارب

    بص ياعمنا

    انا بتفق معاك جدا في حكاية رغيف وحتة لحمة مشوية

    وبختلف جدددددا في حكاية الرئيس الاب دي

    ههههههههههههه

    علي فكرة الاغنية جميلة جدا

    تحيتي

    ردحذف
  3. كل سنة وانت طيب استاذي العزي
    اتمنى ان يكون عاما اسعد من ذلك العام الذي عانينا فيه كثيرا
    اعشق نظرتك الحالمة
    واتمنى يا رب كل ايامك تكون سعيدة
    تحياتي لك

    ردحذف
  4. الله بوست رااائع
    حسيت مثلا ان 2012 ده مثلا العيد
    او اننا ليلة اول يوم رمضان
    على كل انا تفائلت ببوست حضرتك ونسيت اللي كان فيا
    ماما ماتت من شهر تقريبا وبكره كان ذكرى ميلادها وكنت قاعده عماله افتكر فيها ولبست لبس من لبسها
    كل عام وانت بخير
    كل عام وانت في سعاده
    كل عام واحلااامك تحقق

    ردحذف
  5. كل سنة وحضرتك بألف خير
    وكل الناس فى كل مكان بخير يارب
    افتكر بالبوست الجامد ده تبقى 2012
    محظوظة جدا ولازم تسمع كلامك بقى :)

    ردحذف
  6. كل سنة وانت طيب يا استاذ فاروق والأسرة كلها بخير ويجعلها سنة سعيدة على الجميع ...تحياتي وابتهاجي بالغنوة الحلوة قوي وعلى فكرة زوج اختي يحب الغنوة دي قوي وفكرتني لما كنا نتجمع في اي مناسبة وكان يغنيها ونرد عليه الله يا استاذ فاروق على الأيام الحلوة ربنا يسعدنا بحضورك دايماً يارب ..

    ردحذف
  7. مساء الخير ..
    كل سنة وانت طيب
    وان شاء الله يكون 2012 احسن من 2011 على كل المسلمين والبلدان العربية
    تقبل مرورى وتحياتى لك
    ياسمين

    ردحذف
  8. كل سنه وحضرتك بألف خير
    ويارب السنه دى بقى تبقى احلى من 2011 بكل اللى حصل فيها

    انا بحب الاغنيه دى اووووى

    تسلم ايدك :)

    ردحذف
  9. الفاروق ملكا
    ملك الزهرات
    و ابن بطوطة المدونين

    كل سنة و انت و زهراتك طيبون


    تحياتى و تقديرى

    ردحذف
  10. وكل سنة وانت طيب يا احلى اب وارق واجمل اب فى الدنياوحلوة حتة الحمة ديةنفسنا فيهاوقول ل2012 يلطف بينا بقى ( كفاية علقة) 2011 بس دايما بقول ان بعد العسر يسر ان شاء الله السنة دى حيبقى فرحة عليناوعلى كل حد يتمنا امنية ان شاء الله تتحقق بقول كل سنة وانتم طيبين يااخواتى وشكرك اوى اوى اوى اوى صباحك عسل ابيض وجميل بنتك انجى

    ردحذف
  11. فى كلمات بسيطة أستطعت أن توصف لنا ماعصف بنا من أحداث, وماتتمناه أن لايحدث لنا مرة أخرى, من كثرة ماأتألمنا, رجاء من سنة الجديدة يحمل فى طياته خوف وحزن من كثرة مارأى,فجميع الشعب المصرى يشعرك مثلك, ويارب يحقق لك كل أحلامك.
    وبالمناسبة السنة الجديدة فلقد أنشأت مدونة جديدة,تسمى(عطر الأحباب)وهى مدونة أدبية,أتمنى أن تزورها,وشكرا لك
    http://3etr-ela7bab.blogspot.com/

    ردحذف
  12. كل سنه وانت طيب يا جميل
    عجبنى حوارك مع سنه 2012 وكانك بتترجاها وبتوصيها تبقى حنينه علينا ..مش زى زميلتها اللى فاتت ..اللى وريتنا ايام صعبه ..وانا معاك وبدعى وبتمنى تبقى سنه حلوه وحنينه وتمر بسلام
    كل سنه وانت طيب وقلمك نابض ...يا بابا ياحبيب قلبى

    ردحذف
  13. عاد انا حبيته من كل قلبي
    رح يعز عليّ فراقه
    :(

    صباحك خير يا باشا

    ردحذف
  14. عام 2012 اسمع كلام استاذنا الفاروق اظن يعني هو غنالك اغنية حلوة و كتبلك كلام حلو بالعربي و الانجليزي ملكش حجة بقا :)))))
    كل عام و انت بالف خير و سعادة استاذي و ربنا يجعل القادم احلى باذن الله و يأتي عمنا 2012 و يمسح اللي عمله اخوه 2011 فينا :)))
    تحياتي لك و للاغنية الحلوة اللي بحبها جداااااا و رسمت ابتسامة على وشي :)

    ردحذف
  15. كل سنه وانت طيب وبصحه وبسلامه
    بعد الدلع ده كله المفروض بقي تتوصي بيك

    ردحذف
  16. Happy New Year for you and your family. May God gift us with a bright, happy, and worthy year

    ردحذف
  17. عام سعيد على الجميع ان شاء الله
    يارب نحقق فيه احلامنا ونشوف مصر ام الدنيا بجد
    يارب نحمي كلنا بعض ونخاف على بعض ونحب بعض
    عام سعيد عليك وعلى الاسره الكريمه

    ردحذف
  18. اللهم بارك لنا في أيامنا

    ردحذف
  19. الاستاذ والاخ العزيز فاروق

    مساء الفل

    وكل سنة وانت والعائلة بالف خير

    وان شاء الله تكون سنة حلوة على الجميع

    ما احلاها ذكريّات ايام زمان

    ربنا يسعدك ويديم عليك الصحة والعافية

    ردحذف
  20. السلام عليكم

    الله عليك استاذى العزيز

    كلما دخلت هنا فى بيتك الرائع وقصصك القصيرة العميقة المعنى والهدف اشعر انى ببيت العائلة بدفئه وحنانه وبساطته وتواضعه رغم قدرته وخبرته

    كل عام وانت بخير وصحة وسعادة وتفاؤل وسلام وياااااااارب العام الجديد يحمل الخير لكل البشرية ونرتاح من الحروب والدمار والفساد والشرور اللى ملت النفوس والارواح

    ونسأل الله تعالى ان يمن على كل اخواننا بكل بقاع العالم بالخلاص من الظلم والقهر

    ملأ الله حياتك بالسعادة والهناء واسعد قلبك بالذرية الصالحة استاذى الطيب

    تحياتى الدائمة لك

    ردحذف
  21. كل عام وانت بخير فاروقنا العظيم :)
    وان شاء الله عام جديد يكون بطعم التفاح ورائحة الياسمين ولون الفل .....ربنا يديمك واحبتك بألف خير وصحه وسلامه.

    ردحذف
  22. كل عام وحضرتك بألف خير

    وياريته يسمعنا ويجيبلنا شكولاته وحجات تفرحنا ويمسح دموع لسه على الخد من السنة اللى فاتت ( من دقايق ):)

    متفائله رغم الالم


    تحياتى

    ردحذف
  23. كل عام وحضرتك بخير أستاذي الفاروق الحبيب الغالي ..
    اللهم اجعل عامنا هذا عام بركة وخير وأمن واستقرار وسعادة وقرب منك يارب العالمين ..

    ردحذف
  24. أستاذي الفاروق ..
    كل عام وأنتم بألف خير ..
    أرسلتُ مشاركةً سابقةً وربما لم تحفظ أو حفظت في صندوق التعليقات غير المرغوب بها ..
    جعل الله أعوامكم كلها خير وسعادة ..
    مع التحية

    ردحذف
  25. اللهم آمين

    ربنا يجعله عام النصر بإذن الله لأمة محمد

    كل عام وأنت بخير عزيزي الغالي

    ردحذف
  26. مساء البنفسج يا افندم
    يارب سنة سعيدة علي مصر كلها
    ويارب علينا كلنا
    ويارب تفاؤل وامل دايما

    ردحذف
  27. اخييييييييييييييييييرا عرفت اكتب بقالى يومين تقريبا ممدونة حضرتك مش راضية تحمل معايا للاسف

    اعتقد بعد ماغنيتلها كده تبقى سنة ولا مؤاخذة يعنى لو مابقتش حلوة:)

    على فكرة انا كمان بحب الاغنية دى كمان

    كل سنة وحضرتك طيب يا استاذ فاروق

    ردحذف
  28. كل سنة و حضرتك طيب :)

    ردحذف
  29. كعادتك في اسلوبك الجمالي المتميّز كانت هذه

    الوصلة الرائعة من الجمال ...


    كل عام و انت في هناء

    شكرا يا صديقي

    منجي

    ردحذف
  30. احبـــابى كل اللى فى دنيايا سواء من علقوا او لم يعلقوا
    كنت من كل قلبى والله اعلم اود ان اخاطبطم فردا فردا وهذا دأبى فى الرد على سادتى المعلقين والمعلقات ولكن يشفع لى ظروفى الصحية
    هذا وما عسانى ان اكتب وانى اتقدم منكم ولكم بهذه المناسبه مناسبةحلول العام الجديد لارفع الادعية الى الله تعالى من اجل حفظ حياتكم وصحتكم الغالية ومصرنا الحبيبة.... راجيا ان يبدأ هذا العام وينهى وانتم جميعا ترفلون باثواب الصحة والعافية
    ومع تكرار شكرى ارجو ان تتقضلوا بقبول وافر الاحترام لعظمة ما قرأت وبهاء ما رأيت من كلمات صادقة بليغه

    ردحذف
  31. أستاذ فاروق فهمى .........
    كل عام وأنتم بخير
    فرحت جدا بكلامك لأنى عامعاش مثلك وبأقول نفس الكلام يمكن حسيت كده من شعرى الذى تشرفت بإطلاعك عليه ورأيك فيه وكمان بأحب هذه الأغنية جدا جدا جدا ودايما بأرددها فى نفسى بصوت مرتفع وموش مجانين يلريت الناس كلها تكون مجانين زينا شكرا لك

    ردحذف
  32. الف سلامة عليك استاذي و يارب يطمنا عليك
    افتقدت طلتك الجميلة في مدونتي
    :)
    كل سنة وانت بالف خير يا رب

    ردحذف
  33. واو ايه الافتتاحيه المذهله دى يا استاذنا

    تفائل يعنى يعنى تفائل :)))

    بقالي فترة مجتش هنا ودة كان معصبنى بس خالص انا جايت ^_^

    يارب 2012 يكون حنين علينا وانا مش سبت العام السابق الحمد الله انا طلعت لسانى لي بس :))

    يارب تبقي سنه حلوة عليك وعلي اسرتك جميعآ وتكون شايله الفرح يارب والبهجه وراحه البال

    ردحذف
  34. كل عام وانت بخير استاذى وربنا يعطيك الصحه والعافيه وراحة البال

    ردحذف
  35. كل سنة وانت بخير وسعادة وربنا يبعد عن مصر اي غم واي هم
    وتكون سنة سعيدة عليها يارب

    لولا

    ردحذف
  36. أعجبتني كلماتكَ بابا فاروق ،
    كالعادة كلماتٌ جميلة ،
    مبهرة
    ساحرة !

    أتمنى لكَ عامًا مجيدًا و سعيدًا و رائعًا بقدر روعتك~ :(

    تحيآتي لكِ ...

    ردحذف
  37. نعم يا أستاذي يا كبيرنا..
    أسال الله أن يكون عام الثاني عشر بعد الألفية الثانية من التاريخ الميلادي عاما يحمل لمصر أجمل ما يخبيه لها القدر، وإن كان 2011 حقق نوعا من التغيير فربما 2012 يحقق نوعا من الاستقرار.

    تحية لك يا عاشق الطرب الأصيل.. فكلما ولجت مدونتك أطربني صوت القانون والكمنجات..

    تحية طيبة.

    ردحذف
  38. ما شاء الله .. اسلوب بسيط وهاديء لكنه عميق جدا
    أحسنت

    ردحذف
  39. اطيب وارق الامنيات لحبيب الجميع وفاروق المدونيين اهديك ارق ورده فى بستان المحبه مع تمنياتى بان يكون عام سعيد ممتع لك ولجميع المدونيين ولجميع المسلمين والعرب بامر الله تعالى
    تحياتى الخالصه يا ابو احلى دم خفيف
    تحياتى ابوداود

    ردحذف
  40. كلماتك مختلفه عن كل الكلمات ، فيها شئ جذاب
    عام سعيد :)

    ردحذف
  41. أن شاء الله تبقى سنة حلوه على الجميع وربنا ما يحرمنا من كلامك وابداعاتك ...

    ردحذف
  42. كل سنة وحضرتك بخير
    ان شاء الله سنة سعيدة على كل الناس
    سنة طيبة والوانها مفرحة

    تحياتي لحضرتك

    ردحذف

  43. السلام عليكم:
    تمنياتي لحضرتك بوافر الصحه والسلامه ولكل أمة محمد (عليه الصلاة والسلام )بالنصر والتمكين..

    أخوك

    بن الايمان

    ردحذف
  44. كل سنة وانت طيب
    كل سنة وانت الى قلبي اقرب
    كل سنة وانت منور ساحة التدوين
    كل سنة كل سنة كل سنة
    والي جوايا نحيتك يتحقق
    يارب يديك الصحة ويفرحك ببناتك
    والف شكر على احساسك وسؤالك علي

    ردحذف
  45. صباح الغاردينيا بابا
    وحشتني
    وحشتني جداً
    وجيت بنفسي عندك عشان أقولك وحشني حضنك بجد وحشتني كلمة بابا فاروق اوووي معليش يابابا بعتذر لاني مادخلتش عندك من امبارح والله كنت تعبانة ومرهقة بعد البوست وانا لسى في المستشفى بس عارفة آروبه وعمالة ازوغ من الراحة شويا هههههه عشان بجد وحشتوني كلكم ..
    بابا فاروق ..بابا الي حسيت بهدوئه في مرضي عارفة أنك ماقدرت تكتب حرف
    عن بنتك عارف ليه لأن جواك أكبر من الكلام ودعواتك ليا توصلني مع كل رفة
    عين تطالع فيها بناتك وأنت تشوف رموسة دلوعة بابا بينهم ههههه بما اني
    الصغيرة يعني .."
    ؛؛
    ؛
    لروحك عبق الغاردينيا
    كانت هنا
    reemaas

    ردحذف
  46. كل ما أخشاه يا أستاذ فاروق أن يصيح العام الجيد بصوت عالٍ ويقول لك : ( أنته بتقول إيييييييييه ) :)


    أتمنى أن تكون سنة خير علينا وعليك وعلى الأمة العربية والإسلامية

    سعيد بقراءتي لهذه المدونة الشهية

    ردحذف
  47. كل سنة و انت و جميع أحبابك بخير
    و أشكرك على تذكيرى بأغنية عبد الغنى السيد التى أعشقها
    و يا رب 2012 يطلع عنده دم و يستجيب لك و لنا و يرحمنا و يمسح عنا جروح 2011

    تحياتى

    ردحذف
  48. مساء الهنا والسعاده استاذى الفاروق

    اولا كل سنه وحضرتك بكل خير وسعاده

    ويارب تكون سنه خير علينا وعليك

    ثانيا تهنئتى مش متاخرة ولا حاجه لسببين

    اولهما ان كان فيه عندى مشكله ومش عارفه اشارك عند حضرتك ابدا وعند كثيرا من الاخوان والحمد لله اتصلحت اهى يعنى هرجع للرد من تانى .

    ثانيا ليا عتاب كبير جدا على حضرتك وهو ان حضرتك مش عايز تشرفنى فى مدونتى حتى برد صغنون ولو تقولى وحشه كتاباتى اقصد....هتسعدنى اكيد والله
    اخيرا طولت انا فى الكلام فمعزرتا لكم
    كل الاحترام والتقدير

    ردحذف