الثلاثاء، 11 مارس، 2014

الباقى من الخواطر التى تم نشرها فى الفيس

                        _1_
مال حيطان شوارعنا اتملت بكلام مايــع
كل ما تتمسح يرجع كلام تانى فـــــــارغ
لو الحيطان بتتكلم ما كنشى ده حاصـــــل
اختشوا دا كل قالب فيها شاهد وباصــــص
والا انتم عقولكم زى عيونكم بلا بصــــائر
____________________________________
                       _2_
لما انسأل الحكيم ان كان اهلاوى والا زملكاوى
قال له ودا سؤال برضه تسأله يا فهــــــــــلاوى                اشخاص يتجرى ورابعضها ورا كوره ما تسواش
بدل الجرى والتنطيط يدوها لصاحبها ولا يدراش 
________________________________
                    _3_
امتى الزمن يرجع زى ما كان 
================
الجار يحس بجاره حتى ولو مقفول داره
يديللولقمه من زاده  ومهما كان حــــــاله
فى فرحه مسعود وفى عـــزاه موجــــود
فى الجواز شاهد وفى السبوع ظاهـــــــر
اشهد بقى يا زمان دى اخوه والا جيـران
______________________________________
                       _4_
حبنا دايما للجديد يدفعنا دايما للتجديــــد
اذا جه الصبح نتلهف لقدوم ضهرنـــــــا
واذا جه الضهرننتظر وصول عصـــرنا
رمضان يهل ونهلل لقدوم هلال عيدنـــــا
حتى العمر بيجرى منّنا شاعر بهــــــمّنا
لا بيعمر عند كل عمر حتى يجيب أخرنا
______________________________
الفاروق


هناك 21 تعليقًا:

  1. قرأت الخواطر كلها بس كان عندي مشكلة ف النت ومكنتش عارفة اعلق
    اخيرا عرفت اكتب
    مساء البنفسج استاذنا
    معلش المدارس فتحت وانشغلت ف المدرسة معلش شغل ودراسة وكدة يعني اعزورني لو اتأخرت

    ردحذف
    الردود
    1. براحتك قوى بارحاب كلنا عارفين ان قلبك معانا وانت اكيد عارفه ان قلوبنا معاكى ساعه كده وساعه كده الامور كلها متمشين على طول كده
      تحياتى على تواصلك الدائم فى المدونات والفيس اللى اخد منى وقت كبير

      حذف
  2. استاذى اسفه عالتاخير جدا
    جميله اوى اوى الخواطر
    خصوصا اما سألوا حكيم انت اهلاوى ولا زملكاوى
    عجبنى جدا جدا رده
    واظن ان هذا الحكيم هو انت
    تحياتى لك واتمنى ان لا تنتهى الخواطر

    ردحذف
    الردود
    1. شكرا يا قمر على هلال قمرك اللى طالل دايما علينا وان كنت اتمنى ان يكون لك صفخة فى الفيس دا حاجه يسللى ويؤنس حقا ولا غضاضه او عيب فيه من اراذ التكلم يتكلم ومن اراذ الاكتفاء بالتعليق ةالتغقيب فهلا ويضم نخبه من اكثر الكوادر اجترما

      حذف
  3. قرأت بعضها على الفيسبوك
    بها حكم جميلة، والحث على الأخلاق الحميدة، وما آل إليه المجتمع مقارنة مع ما سبق..
    أحسنت أستاذ فاروق. لكن محبتي

    ردحذف
    الردود
    1. دا انت يا رشيد اللى احسنت الى بزيارتك العطره

      حذف
  4. سلمت وسلم حرفك أستاذي الكريم

    ردحذف
    الردود
    1. دايما حرفك معايا ومش باخل عليا بكلامك

      حذف
  5. استاذ فاروق الرائع دائما :) عجبتنى اوى اول خاطرة
    الوحد تعب من كتر الشعارات والكلام اللى لازم نقراها واحنا ماشين فى كل حتة
    عذرا على التاخير :)
    تحياتى

    ردحذف
  6. فكرة هايلة يااستاذنا

    كده هتتدون افكارك لأن اعتقد الفيس مابيحتفظش بكل حاجة بسهولة لكن هنا الارشفة بتسهل الحصول علي اي تدوينة

    ردحذف
    الردود
    1. شكرا على النصيحه الرشيده وفعلا التدوين اكثر حفظا ومرجعا
      ربنا ما يحرمنا منك يا شمس نهارنا ونور ليلنا
      اخوكى الفاروق

      حذف
  7. خطوتك يا كارمن عاليه وعاليه عليا

    ردحذف
  8. استاذى
    حبيت اجى اسلم عليك واطمن عليك
    يارب تكون فى افضل حال

    ردحذف
  9. تسلميلى با قمر الومان
    ربنا ما يحرمنى من سؤالك المحترم اللى بيشعرنى بوجوى المكتمل
    صحيح الفيس خد الوقت بس ادينى اهوه برحع واطمئن على الاعزاز

    ردحذف
  10. امتى الزمن يرجع زى ما كان
    ================
    الجار يحس بجاره حتى ولو مقفول داره
    يديللولقمه من زاده ومهما كان حــــــاله
    فى فرحه مسعود وفى عـــزاه موجــــود
    فى الجواز شاهد وفى السبوع ظاهـــــــر
    اشهد بقى يا زمان دى اخوه والا جيـران
    *
    حرف كعادته ( يدمن ) النّبش في مكامن الواقع و يشخّص ببصيرة ما علق به - جرّاء أهله و ناسه - من تردّي في العلاقات الإجتماعيّة و الأواصر الإنسانيّة ، مشيرا إلى قيم كانت تسودنا و تزيّن حياتنا ، قيم أصابها الفتور و لم تعد لها تجلّيات ...! قيم الزّمن الجميل التي كانت تضفي على الحياة نكهة من الجماليّات تبعث الأمل و ترغّب في حبّ هذه الحياة ...
    تقديري و محبّتي لبهاء زياراتك المتكرّرة يا صديقي - المعتّق - هههه

    منجي

    ردحذف
    الردود
    1. انت يا منجى الجا ر الذى يحس بجاره من المدونين
      فنراك تتابع وتعلق وتعقب بما يمليه عليك ضميرك من وفاء وجلاء ونداء وثناء
      بارك الله لنا فيك بما يرضينا ويرضيك

      حذف
  11. لقد لمستنا والله يا استاذنا
    لمست مشاكلنا وتفككنا المجتمعى وانشغال كل منا بحاله
    لمست لهونا عن مشاكلنا وهمومنا فى اللعب والبحث عن ان كنا اهلاويه ام زملكاويه
    لمست بأناملك سبحة عمرنا وهى تنفرط حبة تلو الاخرى
    تحياتى على هذا الابداع

    ردحذف
  12. كلام جامد وعايز اللى يفهمه

    ردحذف
    الردود
    1. ما ييجى من بعد كلامك يا ابو المعالى يا غالى

      حذف
  13. مساء الابداع والرقى استاذنا الفاروق

    كلمات واحرف من ذهب وحكم راقيه من قلمك

    احسنت والله ... دمت لنا بكل خير

    كل الاحترام

    ردحذف
  14. دايما يا سومه تسعدينى بكلمتك وتفرحبنى بطلتك
    دمت للجمبع هنا فى المدونات وعلى الفيس
    شكرا

    ردحذف