وزير الصحة وبمجرد ماسمعت الست مراتى اعتزامى القيام بهذه الزيارة قالت لازم
اروح معاك انا والعيال عشان نشوف الوزير ده وعشان نشوف الجبل بعد زيارتك ياخويا
اللى رحتها لوحدك زمان فى جبال الهملايا بالهند وسبتنا انا والعيال لوحدينا
وفعلا ذهبت للجبالى فى مكتبه بعد سين وجيم كشفوا علينا صحيا ونفسيا وعملوا الاشعات
الفورية على كل جسمنا لحسن يكون فينا اى مرض يعدى الوزير ودار الحديث التالى
الوزير : ايه فيه حاجة .. فيه شكوى.. فيه مرض وبائى ظهر فى البلد .. خير ؟؟؟؟؟؟
انـــا : خير انشاء الله .. اصلى انا فاتح مدونة جديدة لا بتجيب ابيض ولا اسود زى
الكتابة فى الجرايد لاحسن ضرائب الدخل تجرى ورانا وغالى زعلان منى وطلب منى
بعض زباين المدونه ان ازورك ووجهلك بعض الاسئلة
الوزير : اتفضل ياسيدى
أنـــا :ما علاقة الجبال باسمك انا اعرف الجباليين دولة جامدين وناشفين وانت باين عليك
مرفه وابن نـاس وبيقولوا عليك فهلاوىوانت من مواليد 1951واستاذ الاشعة التشخيصية
بالقصر العيتى .
الوزير : ده صحيح بس انا ماليش دعوة بالجبال ده مجرد لقب وانا وزير ابن وزير
والدى المرحوم مصطفى الجبلى وزير الزراعة الاسبق
انــا:سؤال لو انه بايخ هيه دلوقت كل وظيفة فى بلادنا بقت بالوراثة ابن الوزير يبقى
وزير زيك كده انت والدكتور بدر بس انت بصراحة الطف منه شويه دا وزير ناشف
وداخل الوزارة بصدره زى ابوه لما كان بيمسك فىخناق النواب فى المجلس
الوزير : تمام ابن الوزير يبقى وزير وابن القاضى بيقى وكيل نيابه وابن دكتور
الجامعة يبقى معيد وابن اللواء يبقى ضابط وابن العسكرى يبقى غفير درج ، انت مش
عارف والا ايه انما بالمناسبة انت ابوك ايه انـــــا: انا ابويا كانعطار
الوزير:وانت
انــــــا : بتاع فشار وفاتح جديد مدونه وبقول ياهادى وانا ياسيادة الوزير هكتب بوست
النهاردة همدحك فيه مدح بس تفتح نظر وتدينىكارنيه اتعالج بيه انا ومراتى وعيـــــــالى
فى مستشفى دار الفؤاد مجانا بتاعة سيادتك اصل الناس بتقول انك ظبيب الاثرياء فى
وزارة الاثرياءوطبيب النخبة القادرة على دفع تكاليف علاجها وانت اقرب الى رجل
اعمال محترف يعمل فى مجال الخدمات الطبية تستثمر فى الطب بنفس قدرتك على
الاستثمار فى الاسمدة او الفنادق وانت جيت الوزارة عبر مستشفى دار الفؤاد التى يعالج
بها الوزراء وكبار المسئولين ..... ونظيف بحكم قلة خبرته السياسية والادارية وقع فى
خطأفــــــادح فصفة وسمة رجل الاعمال تفوقت واستأثرت على الشخصية المهنية وهذا
التنوع عزلك عن حالة المستشفيات العامة والوحدات الصحية
كما يقولون ايضا انك تتعامل فى الوزارة وجسدت شخصية الفنان الراحل احمد مظهر
دائما مدهوش ومرووش من احوال المستشفيات وبتعرض مستشفيات للبيع
الوزيـــــر : وتكلموا عن ايه تانى ياسيدى اظن جابواسيرة جرأتى فى تأجير دورا فىمستشفى لقسم بوليس .
انـــا : وكمان انك آخر طبيب يصلح لقيادة وزارة الصحة وحل مشاكلها فكل نجاحك
وخبرتك تفتقد الى عنصر الابداع و غرقان فى مشاكل الوزارة وكل غريق يتعلق بقشة
ورحت تتعلق بكل اخطاء العاملين معك وتجرى على فصلهم وكمان تريد ان تقنع الجميع
بان مصر لاتملك خدمات طبيه منذ خمسين عاما وانك ستبدأ من الصفر فى كل خطوة
وظهرت سماتك سمات رجل الاعمال والمستثمر عندما واجهت واحة مستشفيات التكامل
الذى انشأها اسماعيل سلام والذى اقيل وهو مسافر بالطائرة لحضور مؤتمر علمى فقد
اصيبت هذه المستشفيات باللعنة من غياب صاحبها ومؤسسها واستطردت سائلا
انــــا:ياسيادة الوزير هل وزارتك لها اهمية الوزارات الاخرى كالحربية والداخلية
والخارجية ام هى وزارة منظرة وفهلوة ومجهية وليس الاهتمام بصحة الناس وعلاجهم
الوزير: وهو يزفر انفاسه غيظا وكمدا : وزارتنا انشأها الملك فؤاد عشان يجبر
بخاطرطبيبه الخاص الذى كان يهتم بعلاجه وهو يشرف على الموت
انــــا وايه رأى سيادتك فى موقف الدكتور هاشم فؤاد الذى رفض منصب الوزيرليتولى
عمادة كلية الطب بالقصر العينى وهو الذى اعاد الهيبة والاحترام للقصر بعدما بلغ بها
التردى والانهيار لان الدخل الشريف الذى يعود عليه من عيادته والقصر اكبر من مرتب
الوزير الذى سيخلق معه طرق غير مشروعه لايقبلها
الوزير : وانت هتجيب ايامنا زى ايامهم
وهنا رن جرس التليفون وعند ما رفع سماعته علمنا ان هناك استدعاء للوزير لحضور
اجتماع للوزارة وغادر الوزير مكتبه دون ان نغادره انا ومراتى وعيالى فى انتظار
عودته لاستكمال الحديث عن العلاج الطبى والتامين الصحى واسعار الادوية ونفقات
العلاج المجانى والمبالغ المخصصة والتى تروح فى غير مخصصاتها وانتشار الامراض
والاوبئه والامراض المتوطنه ومشاكله مع الاطباء والصيادلة والنقابة ومشاكلهاوغيرها وغيرها _______________________________________________________ هذه الزيارة من محض عين الخيال وان كان ما جاء بها من اخبار فهى من عين الواقع فاروق فهمــــــى
هاستنى معاك البيه يرجع من اجتماع الوزارة لسه الحوار ماسخنش
ردحذفعايزك تقلبه على نار هادية
احسن الراجل ده عزيز عليا اوي :)
شكرا يا فاروق انك لبيت دعوتي وهتكتب عن الاخ حاتم
تحياتي وتقديري ليك
اولا ايه اخبار الفشار
ردحذفعايزه شويه علشان الدنيا برد
والبرد بيجوع
وثانيا عمر ما كانت الوظيفه بالتوريث
ابدا وللاسف ده الواقع المرير
وثالثا ازاي يروح الاجتماع ويمشي
كده ....طيب انا لما اشوفه بس
تحياتي لاستاذي ابو دم خفيف
فاروق فهمى...........
ردحذفهل فيه علاقة بين الفشار والفشر أصلى شوية حاسس بيه
عموما بوست ظريف وماتزعلش ياعم كنت والله باهزر معاك
أصل بكرة يوم صعب أوى فإستحملنا شوية معلومات قيمة قلتها النهاردة عن وزارة الصحة شكرا لهذا المجهود والبوست ممتاز عايز بقى شوية فشار فى كيس زى كارولين فـــــــــــــــــــــــــــــــــــاروق بالضبط ماتنسانيش شكرا لك
مستنيه البقيه بعد مايرجع الوزير بسلامته
ردحذفولا كان التلفون حجة منه عشان يهرب منكم
ههههههههه
ربنا يعين
يمهل ولايهمل
تقبل مروري
سلامي ليك اخي.
ربنا قادر يخليه ضمن التاريخ
ردحذفيا استاذ فاروق هؤلاء ليسو بوزراء ابدا بل هم رجال اعمال كما ذكرت لايهمهم الشعب ولا غيرة وللاسف الوظيفة وكل شىء فى مصر بقى بالوراثة
ردحذفوحضرتك ناوى تسألة عن العلاج الطبى والتامين الصحى واسعار الادوية ونفقات
العلاج المجانى والمبالغ المخصصة والتى تروح فى غير مخصصاتها وانتشار الامراض
والاوبئه والامراض المتوطنه ومشاكله مع الاطباء والصيادلة والنقابة ومشاكلها
انا متوقعة الرد انا اسف جدا انا مشغول النهاردة اشوفك امس ان شاء الله
تحياتى لقلمك الساخر الجميل بوست رائع كعادتك
وفى انتظار باقى الحوار
هههههه كاتب ساخر من الطراز الأول بعتذر على عدم القدره على متابعتك الأيام الماضيه لظروف و سعيده جداً بالبوست الرائع ده
ردحذفمتنساش تسأله يرفع مرتبات الصيادله:)
تحياتي لك
اخى مصطفى احداث اليوم والايام القليلة القادمة حبست وستحبس الاقلام عن مجرد تقديم خالص الشكر للمجاملات الرقيقة وشكرا
ردحذفالفنانة كارولين انا حمصت شوال فشار ساوزعه مع الملبس بعد ما نطمئن على اتولادناونهنئ انفسنا جميعا
ردحذفاستاذ فاروق ابو النيل انت دمك شربات مش محتاج لفشار مملح انتظر شفشق الشربات اليوم انشاء الله
ردحذفخواطرى مع الحياة عندما اجد تعليقك ازداد حياءا وحياة فشكرا لك والى انتمائك العربى
ردحذفاختنا نيرز لله الامر من قبل ومن بعد
ردحذفالكاتبه والناقدة هبه الاسئلة كثيرة وتحتاج الى اجابات اكبر من مجيبيها واذا زاد السؤال عن حده انقلب ضده والمضادات الحيوية بناعة وزارة الصحة زادت سعرها اليومين دولة
ردحذفالدكتورة شيرين فرحت لوصول تعليقك اذ احسست من شدة رقته انه قد يرسو على شاطئ غيرى او عن تواجدى عند الوزير فلن يستطيع زحزحة صخرتى من مطرحها
ردحذفالسلام عليكم
ردحذفاستاذى انا بحب الفشار هات شوية
انا كان عندى سؤال
هما الجماعة فى البيت علطول متبهدلين معاك عند كل وزير
طب وفروا مواصلاتهم ولا وزير النقل عامل لكم اشتراك
انا مستنى الباشمهندس وزير الصحة يخلص اجتماع اقصد الصفقة عشان شوية الامراض اللى حلت بينا احنا طبعا مش عاوزين منه علاج عشان مش موجود بس عاوزين منه شوية احصائيات وبيانات توريد الادوية للمستشفيات
لو قدرنا نراقب دى نسبة الامراض هتقل كتير
قصة رائعة وهادفة استاذ فاروق تسلم ايدك وفكرك
ردحذفتحياتي لك
الاخ محمد متولى انا اشتريت يامحمد شوال فشار بناء على طلب بعض الجيران اصحاب المدونات ودينى عمال احمصه وانشاء الله هعمل حسابك بالنسبة لمراتى ومرواحهامعايا عند الوزرا ففعلا انا لااخرج بدونهاوهيه السبب عشان مراتى يامحمد بتغيير عليه وما اشقى المراة الغيورة ومااتعس حياتها..فاذا خرجت او ضربت موعدا او تكلمت فى الهاتف مع احد الوزرا او كتبت بوست فيه شعر يبقى فيه سين وجيم و ايقنت بالثلاثة ان هناك امراة ومن عجائب الغيرة قول الشاعر انى اغار عليك من عينيك من بائعات الورد فى خديك اغار عليك من انفراج السحر من شفتيك اما العيال فهم لايخرجون ابدا فاضطر استاذن من الوزرا وخدهم معايا اناعارف يامحمد انت منتظر الاحصائيات ماهو انت محاسب قانونى ملحوظة الظاهر يااستاذ محمد انت تحب المداعبة من اسئلتك وانشاء الله هكتب عن العجائب اللى شفتها اثناء زيارتى للهند فى اوائل الالفية الثانية وئكرا
ردحذفالانسة كارمن المجاملة لجميع المدونات رغم وقتك الضيق والامتحانات ربنا يارب يسمعنا خبر نجاحك وشكرا
ردحذفتحياتى على كلماتك القويه فمن يفهمها يفهم عما تتكلم وفى اى شىء تفكر
ردحذفاستاذى الوزراء واعضاء مجلس الشغب الحكومه من تختارهم فهل تتوقع ان يفعلوا خير للشعب وهم يعرفون جيدا انهم فى مناصبهم غصب عنهم .
لك الله يا شعبنا العظيم فلا يوجد تغيير الا بارادة الله سبحانه وتعالى
سعدت جدا وانا هنا وارجو ان اكون ضيفا خفيف الظل تحياتى لك الاحــــــــــــــلام
الاحلام مجاملاتك الطازجة تأتى دائما للخبز الساخن يؤكل بغير غموس لانك شهى الطلله دافئ الطلعة ربنا يا احلام يحقق احلامك لما فيه خير مصر
ردحذف